Header Ads

  • Breaking News

    ഒമാനില്‍നിന്നെത്തിച്ച എംഡിഎംഎയുടെ വിലയിടാൻ ലോഡ്ജില്‍ ഒത്തുകൂടി'; രഹസ്യവിവരത്തില്‍ പോലീസിന്റെ മിന്നല്‍ റെയ്ഡ്, കണ്ണൂരില്‍





    കണ്ണൂര്‍ ചാലയിലെ ലോഡ്ജില്‍ നിന്നും എംഡിഎംഎയുമായി പ്രായപൂര്‍ത്തിയാകാത്ത പെണ്‍കുട്ടിയും 19കാരനുമുള്‍പ്പെടെ ഏഴു പേര്‍ പിടിയില്‍.
    17.96 ഗ്രാം എംഡിഎംഎയാണ് ഇവരില്‍ നിന്നും പിടികൂടിയത്. വിദേശത്ത് നിന്നുമെത്തിച്ച ലഹരി മരുന്നിന്‍റെ ഗുണനിലവാരം പരിശോധിക്കാനും വില നിശ്ചയിക്കാനുമാണ് ഇവര്‍ ലോഡ്ജില്‍ ഒത്തുചേര്‍ന്നത്. കഴിഞ്ഞ മാസം ഒമാനില്‍ നിന്നുമെത്തിയ കണ്ണൂര്‍ ഇരിവേരി സ്വദേശി സഹീദിന്‍റെ കൈയിലുണ്ടായിരുന്ന എംഡിഎംഎയുടെ വില നിശ്ചയിക്കാനായി ഒത്തുചേര്‍ന്നതാണ് ഏഴംഗ സംഘം. ചാലയിലെ ലോഡ്ജില്‍ ഇവരുണ്ടെന്ന രഹസ്യ വിവരം പോലീസിന് ലഭിച്ചു.
    ഇന്നലെ രാത്രി തന്നെ പോലീസ് സംഘം ലോഡ്ജിലേക്ക് ഇരച്ചെത്തി റെയ്ഡ് നടത്തുകയായിരുന്നു. സഹീദിനു പുറമേ വൈറ്റില സ്വദേശി ഐശ്വര്യ, മുഴപ്പിലങ്ങാട് സ്വദേശി എ കെ ഷുഹൂല്‍, മലപ്പുറം മുണ്ടുപറമ്പ് സ്വദേശി സഞ്ജിത്, ഏഴര സ്വദേശി ഷിഫാദ്, കാടാച്ചിറ സ്വദേശി ഷമീല്‍ എന്നിവരും പിടിയിലായി. ഇവര്‍ക്കൊപ്പം 17 വയസുള്ള പെണ്‍കുട്ടിയും ഉണ്ടായിരുന്നു. ഐശ്വര്യയേയും പ്രായപൂര്‍ത്തിയാകാത്ത പെണ്‍കുട്ടിയേയും ക്യാരിയര്‍മാരായാണ് ഇവര്‍ ഉപയോഗിച്ചിരുന്നത്.
    മറ്റുള്ളവര്‍ വിവിധ ഇടങ്ങളില്‍ ലഹരി മരുന്ന് വിതരണം ചെയ്യുന്നവരാണെന്ന് പോലീസ് പറഞ്ഞു. ലോഡ്ജില്‍ നിന്നും ലഹരി മരുന്ന് പിടികൂടിയതിന് പിന്നാലെ മുഖ്യപ്രതി സഹീദിന്‍റെ വീട്ടില്‍ നടത്തിയ പരിശോധനയില്‍ രണ്ടു ഗ്രാമോളം എംഡിഎംഎയും കണ്ടെടുത്തു. ഇവരില്‍ നിന്നും എംഡിഎംഎ തൂക്കാന്‍ ഉപയോഗിക്കുന്ന ഡിജിറ്റല്‍ ത്രാസും ഗ്ലാസ് കുഴലും പിടികൂടി.

    No comments

    Post Top Ad

    Post Bottom Ad