പനിയുള്ളവർക്ക് കോവിഡ് രോഗബാധയുണ്ടോയെന്ന് പരിശോധിക്കണമെന്ന് ആരോഗ്യവകുപ്പ്
തിരുവനന്തപുരം: രാജ്യത്ത് കൊവിഡ് കേസുകള് കൂടിവരുന്ന സാഹചര്യത്തില് കര്ശന മാര്ഗനിര്ദേശങ്ങളുമായി സംസ്ഥാന ആരോഗ്യവകുപ്പ്. രോഗലക്ഷണമുള്ള എല്ലാവരും കൊവിഡ് പരിശോധന നടത്തണമെന്ന് സര്ക്കാരിന്റെ സര്ക്കുലര് പറയുന്നു. പൊതുസ്ഥലങ്ങളില് മാസ്ക് ഉപയോഗം പ്രോത്സാഹിപ്പിക്കാനും നിര്ദേശിച്ചിട്ടുണ്ട്. ഇന്നലെ ആരോഗ്യമന്ത്രി വീണ ജോര്ജിന്റെ അധ്യക്ഷതയില് ചേര്ന്ന യോഗത്തിന് പിന്നാലെയാണ് മാര്ഗനിര്ദേശങ്ങള് പുറത്തിറക്കിയിരിക്കുന്നത്. രോഗലക്ഷണങ്ങള് ഉള്ളവര് പ്രത്യേകം ശ്രദ്ധിക്കണം. ശ്വാസതടസ്സം, കടുത്ത നെഞ്ചുവേദന, രക്തസമ്മര്ദ്ദം കുറയല്, തലചുറ്റല് മുതലായ ലക്ഷണങ്ങള് പ്രത്യേകം ശ്രദ്ധിക്കണം. രോഗം ഗുരുതരമാകാന് സാധ്യതയുള്ള ഹൈ റിസ്ക് വിഭാഗത്തിലുള്ളവര് നിര്ബന്ധമായും പൊതുസ്ഥലത്ത് മാസ്ക് ധരിക്കണമെന്നാണ് നിര്ദേശം. രോഗലക്ഷണങ്ങള് ഉള്ളവര് ദുരിതാശ്വാസ ക്യാമ്പുകളിലുണ്ടെങ്കില് മാസ്ക് ധരിക്കണം. കൊവിഡ് വ്യാപന പശ്ചാത്തലത്തില് സര്ക്കാര്, സ്വകാര്യ ആശുപത്രികളില് മോക്ഡ്രില് നടത്തണം. ആശുപത്രികളില് കൂട്ടിരിപ്പുകാര് ഉള്പ്പെടെ നിര്ബന്ധമായും മാസ്ക് ധരിക്കണം. കൊവിഡ് പരിശോധനയ്ക്ക് ജില്ലകളിലെ ആര്ടിപിസിആര് സംവിധാനങ്ങള് ഉപയോഗിക്കണം. പൊതുഇടങ്ങളിലെ മാസ്ക് ഉപയോഗം പരമാവധി പ്രോത്സാഹിപ്പിക്കണമെന്നും സര്ക്കുലര് പറയുന്നു.
About Soorya
No comments
Post a Comment