ഷഹബാസ് കൊലക്കേസ്; വിദ്യാര്ത്ഥികളുടെ പരീക്ഷാഫലം പുറത്ത് വിടരുതെന്ന് കുടുംബം
കോഴിക്കോട് താമരശേരിയില് പത്താംക്ലാസ് വിദ്യാര്ത്ഥി ഷഹബാസിന്റെ കൊലപാതകത്തില് കുറ്റാരോപിതരായ വിദ്യാര്ത്ഥികളുടെ പരീക്ഷാഫലം പ്രസിദ്ധീകരിക്കരുതെന്ന് ആവശ്യപ്പെട്ട് കുടുംബം ബാലാവകാശ കമ്മീഷനെ സമീപിച്ചു. പരീക്ഷാഫലം പ്രസിദ്ധീകരിക്കണമെന്ന് ബാലാവകാശ കമ്മീഷന് ഉത്തരവിട്ടതിന് പിന്നാലെയാണ് ഷഹബാസിന്റെ കുടുംബത്തിന് പരാതി നല്കിയത്. ജുവനൈല് ഹോമിലെ പ്രത്യേക പരീക്ഷാ കേന്ദ്രത്തില് വെച്ചായിരുന്നു വിദ്യാര്ത്ഥികള് പരീക്ഷയെഴുതിയത്. കുറ്റാരോപിതരായ വിദ്യാര്ത്ഥികളെ പരീക്ഷ എഴുതാന് അനുവദിക്കില്ലെന്ന് ആരോപിച്ച് കെഎസ്യുവും എംഎസ്എഫും രംഗത്ത് വന്നിരുന്നു. പിന്നീട് വിദ്യാര്ത്ഥികളുടെ പരീക്ഷാ കേന്ദ്രം മാറ്റുകയും ജുവനൈല് ഹോമില് പരീക്ഷയ്ക്ക് സജ്ജീകരണം ഒരുക്കുകയുമായിരുന്നു.
ട്യൂഷന് സെന്ററില് പത്താം ക്ലാസുകാരുടെ ഫെയര്വെല് പരിപാടിയുമായി ബന്ധപ്പെട്ട തര്ക്കമാണ് സംഘര്ഷത്തിന് കാരണം. തര്ക്കത്തിന്റെ തുടര്ച്ചയായിട്ടാണ് വ്യാഴാഴ്ച വിദ്യാര്ത്ഥികള് ഏറ്റുമുട്ടിയത്. തുടര്ന്ന് ഗുരുതരമായി പരിക്കേറ്റ മുഹമ്മദ് ഷഹബാസിനെ ആദ്യം താലൂക്ക് ആശുപത്രിയിലും പിന്നീട് കോഴിക്കോട് മെഡിക്കല് കോളജ് ആശുപത്രിയില് പ്രവേശിക്കുകയായിരുന്നു. തലച്ചോറില് 70 %ക്ഷതമേറ്റതിനാല് വീട്ടിലേറ്ററിന്റെ സഹായത്തോടെ വിദ്യാര്ത്ഥി ജീവന് നിലനിര്ത്തിയിരുന്നു. പിന്നീട് മരണത്തിന് കീഴടങ്ങുകയായിരുന്നു.
About Soorya
No comments
Post a Comment