ഐസിയുവിലുള്ള രോഗിയ്ക്ക് ഒരു ബൈസ്റ്റാന്റര് മാത്രം; മെഡിക്കല് കോളജില് സുരക്ഷ കൂടുതല് ശക്തമാക്കാന് നടപടി
സംസ്ഥാനത്തെ സര്ക്കാര് മെഡിക്കല് കോളജ് ആശുപത്രികളില് സുരക്ഷ കൂടുതല് ശക്തമാക്കാന് നടപടി സ്വീകരിക്കുമെന്ന് ആരോഗ്യ മന്ത്രി വീണാ ജോര്ജ്. ഐസിയുവിലുള്ള രോഗിക്ക് ഐസിയുവിന് പുറത്തും വാര്ഡിലുള്ള രോഗിക്ക് വാര്ഡിലും കൂട്ടിരിപ്പിന് ഒരാളെ മാത്രമേ അനുവദിയ്ക്കുകയുള്ളൂ. കൂടുതല് പരിചരണം ആവശ്യമുള്ള രോഗികള്ക്ക് ഡോക്ടറുടെ നിര്ദേശാനുസരണം മാത്രം ഒരാളെക്കൂടി പ്രത്യേക പാസ് വഴി അനുവദിക്കും. ആശുപത്രി സന്ദര്ശന സമയം വൈകുന്നേരം 3.30 മുതല് 5.30 വരെയാണ്.
ആരോഗ്യ പ്രവര്ത്തകര്ക്ക് നേരെയുള്ള ആക്രമണങ്ങളില് ശക്തമായ നടപടി സ്വീകരിക്കും. തിരുവനന്തപുരം മെഡിക്കല് കോളജില് ആഭ്യന്തര വകുപ്പിന്റെ സഹകരണത്തോടെ പൊലീസ് ഔട്ട് പോസ്റ്റ് രൂപീകരിക്കാന് നടപടി സ്വീകരിക്കും. ഇതിലൂടെ ആശുപത്രികളിലെ ക്രമസമാധാന പ്രശ്നങ്ങളും മെഡിക്കോ ലീഗല് കേസുകളും കൈകാര്യം ചെയ്യുന്നതിനും ഉടന് തന്നെ ഫലപ്രദമായ നടപടികള് സ്വീകരിക്കുന്നതിനും സാധിക്കും. ഇതിനായുള്ള നടപടികള് സ്വീകരിക്കാനും മന്ത്രി നിര്ദേശം നല്കി.
No comments
Post a Comment