പ്ലസ്​ വൺ പരീക്ഷ ജൂൺ അവസാനത്തോടെ നടത്താൻ ആലോചന
Type Here to Get Search Results !

പ്ലസ്​ വൺ പരീക്ഷ ജൂൺ അവസാനത്തോടെ നടത്താൻ ആലോചന

 


തിരുവനന്തപുരം: 

ഈ വർഷത്തെ പ്ലസ് വൺ പരീക്ഷ അടുത്ത അധ്യയന വർഷത്തിലേക്ക് നീളും. ജൂൺ അവസാനം പരീക്ഷ നടത്താനാണ് ആലോചന. പ്ലസ് ടു, എസ്.എസ്.എൽ.സി പരീക്ഷകൾക്ക് സമാന രീതിയിൽ ഫോക്കസ് ഏരിയ നിശ്ചയിച്ച് പരീക്ഷ നടത്താനാണ് ശിപാർശയെങ്കിലും അന്തിമ തീരുമാനം എടുത്തിട്ടില്ല. എങ്കിലും പ്ലസ് വൺ പരീക്ഷക്കുള്ള കരട് ഫോക്കസ് ഏരിയ ആഴ്ചകൾക്ക് മുമ്പ് എസ്.സി.ഇ.ആർ.ടി തയാറാക്കി നൽകിയിട്ടുണ്ട്.


മാർച്ച് 30ന് തുടങ്ങുന്ന പ്ലസ് ടു, വി.എച്ച്.എസ്.ഇ പരീക്ഷകൾ ഏപ്രിൽ 22നും മാർച്ച് 31ന് ആരംഭിക്കുന്ന എസ്.എസ്.എൽ.സി പരീക്ഷ ഏപ്രിൽ 29നുമാണ് അവസാനിക്കുന്നത്.


അധ്യാപകർ പരീക്ഷ ഡ്യൂട്ടിയിലാകുന്നതോടെ പ്ലസ് വൺ അധ്യയനവും ഏറെക്കുറെ ഈ സമയത്ത് തടസ്സപ്പെടും. ഏപ്രിൽ അവസാനം പ്ലസ് ടു മൂല്യനിർണയ ക്യാമ്പുകൾ തുടങ്ങിയാൽ മൂന്നാഴ്ചയെങ്കിലും നീളും. ഇതും പ്ലസ് വൺ ക്ലാസ് തുടരുന്നതിന് തടസ്സമാകും. നവംബർ 15നാണ് പ്ലസ് വൺ ക്ലാസ് ബാച്ചായി തുടങ്ങിയത്. കഴിഞ്ഞ 21 മുതൽ പൂർണതോതിലുള്ള അധ്യയനവും. മിക്ക വിഷയത്തിനും പകുതി പോലും പാഠഭാഗം തീർന്നിട്ടില്ല. ഈ സാഹചര്യത്തിൽ ഫോക്കസ് ഏരിയ നിശ്ചയിക്കണമെന്നായിരുന്നു വിദ്യാഭ്യാസ വകുപ്പിന് മുന്നിൽ വന്ന നിർദേശം.


മാർച്ച് അവസാനം വരെ ക്ലാസ് നടത്തിയും ശേഷം ഓൺലൈൻ ക്ലാസ് തുടർന്നും മേയിൽ പാഠഭാഗം തീർക്കാനാണ് ശ്രമം. പുതിയ അധ്യയന വർഷം ആരംഭിച്ച ശേഷം മുന്നൊരുക്കം പൂർത്തിയാക്കി ജൂൺ അവസാനം പ്ലസ് വൺ പരീക്ഷ നടത്താനാണ് ആലോചന. എസ്.എസ്.എൽ.സി, പ്ലസ് ടു ക്ലാസുകൾക്ക് 60 ശതമാനം പാഠഭാഗങ്ങൾ നിശ്ചയിക്കുകയും ഇതിൽനിന്ന് 70 ശതമാനം ചോദ്യങ്ങൾ ഉറപ്പുവരുത്തുകയും ചെയ്യുന്ന രീതിയിലാണ് ഫോക്കസ് ഏരിയയും ചോദ്യപേപ്പർ പാറ്റേണും നിശ്ചയിച്ചത്. ഇതേരീതിയിൽ തന്നെയാണ് പ്ലസ് വൺ കരട് ഫോക്കസ് ഏരിയയും തയാറാക്കിയിരിക്കുന്നത്.


അ​ധ്യ​യ​ന വ​ർ​ഷം ര​ണ്ടു പൊ​തു​പ​രീ​ക്ഷ; കു​ട്ടി​ക​ളി​ൽ അ​മി​ത സ​മ്മ​ർ​ദം


തി​രു​വ​ന​ന്ത​പു​രം: ജൂ​ണി​ലേ​ക്ക്​ പ​രീ​ക്ഷ നീ​ളു​ന്ന​ത്​ ഒ​രു അ​ധ്യ​യ​ന വ​ർ​ഷം ര​ണ്ടു​ പൊ​തു​പ​രീ​ക്ഷ എ​ഴു​തേ​ണ്ട സ​മ്മ​ർ​ദ​മാ​യി​രി​ക്കും കു​ട്ടി​ക​ൾ​ക്കു​ മേ​ൽ സൃ​ഷ്ടി​ക്കു​ക. ഈ ​വ​ർ​ഷം പ്ല​സ്​ ടു ​പ​രീ​ക്ഷ എ​ഴു​തു​ന്ന കു​ട്ടി​ക​ൾ​ക്കും ഇ​തേ സാ​ഹ​ച​ര്യ​മാ​ണ്. നാ​ലു മാ​സം മു​മ്പ്​ ഒ​ക്​​ടോ​ബ​റി​ലാ​ണ്​ ഇ​വ​ർ​ക്ക്​ തൊ​ട്ടു​മു​മ്പ​ത്തെ അ​ധ്യ​യ​ന വ​ർ​ഷം ന​ട​ത്തേ​ണ്ട പ്ല​സ്​ വ​ൺ പ​രീ​ക്ഷ ന​ട​ത്തി​യ​ത്. ഇ​തി​ന്​ ശേ​ഷ​മാ​യി​രു​ന്നു ഇം​പ്രൂ​വ്​​മെ​ന്‍റ്​ പ​രീ​ക്ഷ.


പ്ല​സ്​ ടു ​പ​രീ​ക്ഷ​ക്ക്​ പി​ന്നാ​ലെ നീ​റ്റ്, ജെ.​ഇ.​ഇ പ​രീ​ക്ഷ​ക​ളും വി​വി​ധ സ​ർ​വ​ക​ലാ​ശാ​ല പ്ര​വേ​ശ​ന പ​രീ​ക്ഷ​ക​ളു​മാ​ണ്​ കു​ട്ടി​ക​ളെ കാ​ത്തി​രി​ക്കു​ന്ന​ത്. ഒ​രു അ​ധ്യ​യ​ന വ​ർ​ഷം ഒ​ന്നി​ല​ധി​കം പൊ​തു​പ​രീ​ക്ഷ എ​ഴു​തേ​ണ്ടി വ​രു​ന്ന​ത്​ കു​ട്ടി​ക​ളി​ൽ അ​മി​ത സ​മ്മ​ർ​ദ​ത്തി​ന്​ വ​ഴി​വെ​ച്ചി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ മേ​യി​ലെ​ങ്കി​ലും പ്ല​സ്​ വ​ൺ പ​രീ​ക്ഷ ന​ട​ത്ത​ണ​മെ​ന്ന ആ​വ​ശ്യം ഉ​യ​ർ​ന്നി​രു​ന്നു. ജൂ​ണി​ലേ​ക്ക്​ പ​രീ​ക്ഷ നീ​ളു​ന്ന​ത് പ്ല​സ്​ ടു ​അ​ധ്യ​യ​നം വൈ​കാ​നും ഇ​ട​യാ​ക്കും. ​മേ​യി​ൽ പ​രീ​ക്ഷ ന​ട​ത്ത​ണ​മെ​ങ്കി​ൽ ചോ​ദ്യ​​പേ​പ്പ​ർ ത​യാ​റാ​ക്ക​ൽ ഉ​ൾ​പ്പെ​ടെ മു​ന്നൊ​രു​ക്ക​ങ്ങ​ൾ ഫെ​ബ്രു​വ​രി ആ​ദ്യം തു​ട​ങ്ങ​ണം. സ​ർ​ക്കാ​ർ തീ​രു​മാ​നം വൈ​കി​യ സാ​ഹ​ച​ര്യ​ത്തി​ൽ ഇ​നി മേ​യി​ൽ പ​രീ​ക്ഷ ന​ട​ത്താ​നാ​കി​ല്ലെ​ന്നാ​ണ്​ ഹ​യ​ർ​സെ​ക്ക​ൻ​ഡ​റി പ​രീ​ക്ഷ വി​ഭാ​ഗം പ​റ​യു​ന്ന​ത്.

Post a Comment

0 Comments
* Please Don't Spam Here. All the Comments are Reviewed by Admin.

Below Post Ad