ട്രെയിനില്‍ ഭക്ഷണവില കൂട്ടി, പുതുക്കിയ വില അറിയാം

റെയില്‍വേ സ്റ്റേഷനുകളിലെ കാറ്ററിങ് യൂണിറ്റുകളില്‍ ഭക്ഷണ സാധനങ്ങളുടെ വില അഞ്ച് മുതല്‍ 15 രൂപ വരെ വര്‍ധിപ്പിച്ചു. പുതുക്കിയ നിരക്കുകള്‍ നിലവിൽ വന്നു.

രണ്ട് ഇഡ്ഡലി ചട്ണി/ സാമ്പാറിനൊപ്പം 25 രൂപ, ഉഴുന്ന് വട (2 വീതം), പരിപ്പുവട (2 വീതം), ഉരുളക്കിഴങ് ബോണ്ട (2 വീതം), സമോസ (2 വീതം), മസാല ദോശ, ഉള്ളി ദോശ, റവ ഉപ്പുമാവ് എന്നിവയ്ക്ക് 30 രൂപയാണ് പുതുക്കിയ വില.

വെജ് കട്‌ലറ്റിന് (2 വീതം) മുന്‍പ് 40 രൂപയായിരുന്നത് 50 രൂപയാകും. ടൊമാറ്റോ സൂപ്പ് 30 രൂപയാക്കി. 95 രൂപ ഉണ്ടായിരുന്ന മീന്‍കറി ഊണിന് 110 രൂപയാണ് പുതിയ വില.

എന്നാല്‍ ചപ്പാത്തി (5 രൂപ), പൊറോട്ട (പത്ത് രൂപ) പഴം പൊരി (20 രൂപ) എന്നിവയുടെ വിലയില്‍ മാറ്റമില്ല. ചിക്കന്‍ കറി -95, ചിക്കന്‍ ഫ്രൈഡ് റൈസ് -105, എഗ്‌ റൈസ് -80, വെജ്‌ ഫ്രൈഡ് റൈസ് -65 എന്നിങ്ങനെയാണ് മറ്റു വിലകള്‍.