ജൂനിയർ നാഷണൽ വാട്ടർപോളോ ചാമ്പ്യൻഷിപ്പ്: ആറാം തവണയും കിരീടം നിലനിർത്തി കേരളത്തിന്റെ പെൺകുട്ടികൾ

52-ാമത് ജൂനിയർ നാഷണൽ വാട്ടർപോളോ ചാമ്പ്യൻഷിപ്പിൽ കേരളത്തിന്റെ പെൺകുട്ടികളുടെ ടീം ദേശീയ കിരീടം നിലനിർത്തി. മധ്യപ്രദേശിലെ ഇൻഡോറിൽ ഇന്ന് നടന്ന ഫൈനൽ മത്സരത്തിൽ കർണാടകയെ 15-6 ന് തകർത്താണ് കേരളം ചാമ്പ്യന്മാരായത്.

തുടർച്ചയായി ഇത് ആറാം തവണയാണ് കേരള പെൺകുട്ടികൾ ജൂനിയർ നാഷണൽ കിരീടം ചൂടുന്നത്. ഒരു മത്സരം പോലും തോൽക്കാതെയാണ് നമ്മുടെ പെൺകുട്ടികൾ കിരീടം നേടിയത്.