കണ്ണൂർ കോർപറേഷൻ ഡിവിഷനിലെ വാരം ശാസ്താംകോട്ടം അമ്പലത്തിന് താഴെ പഴശി ഓവർഹെഡ് കനാൽ ഇടിഞ്ഞു വീണു. പ്രദേശത്ത് അപകട സമയത്ത് ആളുകൾ സഞ്ചരിക്കാത്തതിനാൽവൻ അപകടമൊഴിവായി . ഞായറാഴ്ച്ച വൈകിട്ടാണ് അപകടം. തകർന്ന് വീണ ഓവർഹെഡ് കനാലിന് അടിയിൽ റോഡുണ്ട് ഇതിലൂടെ നിരവധി വാഹനങ്ങളും കാൽനട യാത്രക്കാരും സഞ്ചരിക്കുന്നതാണ്.
പഴശി കനാലിൻ്റെ പല പ്രദേശങ്ങളിലും കനാൽ തകർന്ന് അപകടമുണ്ടാവുന്നത് പ്രദേശവാസികളിൽ പരിഭ്രാന്തി പരത്തിയിട്ടുണ്ട്. അപകട വിവരമറിഞ്ഞ് ടി ഒ മോഹനൻ എം എൽ എ സ്ഥലം സന്ദർശിച്ചു. പഴശി ഇറിഗേഷൻ ഉദ്യോഗസ്ഥരെ ബന്ധപെട്ട് തകർന്ന കനാൽ അടിയന്തിരമായി മുഴുവൻ പൊളിച്ചു മാറ്റി അപകടം ഒഴിവാക്കാൻ എം എൽ എ നിർദേശിച്ചു.