പച്ചയും ചുവപ്പും മാത്രമല്ല! പാക്കറ്റ് ഭക്ഷണങ്ങളിലെ ഈ ചിഹ്നങ്ങൾ നിങ്ങൾക്ക് അറിയാമോ?

നമ്മൾ കടയിൽ നിന്നും പാക്കേജ് ഭക്ഷണ പദാർത്ഥങ്ങൾ വാങ്ങി ഉപയോ​ഗിക്കുന്നവരാണ്. അതിൽ എന്തൊക്കെ അടങ്ങിയിരിക്കുന്നുവെന്ന് പലരും നോക്കാറുണ്ട്. ഇവയിൽ നൽകിയിരിക്കുന്ന ചിഹ്നങ്ങൾ നിങ്ങൾ ശ്രദ്ധിക്കാറുണ്ടോ ? അവയുടെ ചേരുവകളെക്കുറിച്ചും ഗുണനിലവാരത്തെക്കുറിച്ചും വേഗത്തിൽ മനസ്സിലാക്കാൻ സഹായിക്കുന്നവയാണ് ഈ ചിഹ്നങ്ങൾ. അവയിൽ ചിലതൊന്ന് നോക്കിവരാം.

ഒരു പച്ച ചതുരത്തിനുള്ളിലെ പച്ച വട്ടം ആ ഉൽപ്പന്നം പൂർണ്ണമായും സസ്യാഹാരമാണെന്ന് സൂചിപ്പിക്കുന്നു. ഇതിൽ ഇറച്ചി, മീൻ അല്ലെങ്കിൽ മുട്ട എന്നിവ അടങ്ങിയിട്ടില്ലെന്നും സസ്യങ്ങളിൽ നിന്നുള്ള ചേരുവകളോ തേൻ, പാൽ ഉൽപ്പന്നങ്ങളോ മാത്രമേ ഉള്ളൂ എന്നും ഇത് ഉറപ്പാക്കുന്നു. തവിട്ട് നിറത്തിലുള്ള ത്രികോണം ഒരു ചതുരത്തിനുള്ളിൽ കാണുന്നത് ആ ഉൽപ്പന്നം മാംസാഹാരമാണെന്ന് (ഇറച്ചി, മീൻ, മുട്ട അല്ലെങ്കിൽ പക്ഷികളിൽ നിന്നുള്ള ചേരുവകൾ) അർത്ഥമാക്കുന്നു. 2021-ലാണ് പഴയ ചുവന്ന വട്ടത്തിന് പകരം ഈ ത്രികോണ ചിഹ്നം നിലവിൽ വന്നത്.

ചതുരത്തിനുള്ളിലെ കറുത്ത ‘X’ ചിഹ്നം ആ ഉൽപ്പന്നം മനുഷ്യർക്ക് കഴിക്കാൻ അനുയോജ്യമല്ല എന്ന് കാണിക്കുന്നു. സാധാരണയായി വ്യവസായ ആവശ്യങ്ങൾക്കുള്ള സാധനങ്ങളിലാണ് ഇത് കാണാറുള്ളത്. ഭക്ഷണത്തിൽ മുട്ട അടങ്ങിയിട്ടുണ്ടെന്ന് വ്യക്തമാക്കാൻ മഞ്ഞ ചിഹ്നം ഉപയോഗിക്കുന്നു. മുട്ട കഴിക്കുന്ന സസ്യാഹാരികൾക്കും മുട്ട അലർജി ഉള്ളവർക്കും ഇത് വലിയ സഹായമാണ്.

നീല ലേബൽ ഒരു ചിഹ്നം ആണ്. ഇത് സാധാരണ ഭക്ഷണങ്ങളിൽ കാണാറില്ല. ചികിത്സാ ആവശ്യങ്ങൾക്കോ ആരോഗ്യപരമായ പ്രത്യേക നിർദ്ദേശങ്ങൾക്കോ വേണ്ടി ഉപയോഗിക്കുന്ന പോഷക ആഹാരങ്ങളിലാണ് ഈ നീല ലേബൽ ഉണ്ടാകുക. ഇവ ഡോക്ടറുടെ നിർദ്ദേശപ്രകാരം മാത്രമേ ഉപയോഗിക്കാവൂ.

ഭക്ഷണത്തിൽ ഉയർന്ന അളവിൽ പ്രിസർവേറ്റീവുകൾ, കൃത്രിമ നിറങ്ങൾ അല്ലെങ്കിൽ രുചി വർദ്ധിപ്പിക്കുന്ന ഘടകങ്ങൾ അടങ്ങിയിട്ടുണ്ടെന്ന് സൂചിപ്പിക്കുന്നവയാണ് കറുത്ത ചിഹ്നം. അമിതമായി സംസ്കരിച്ച ഭക്ഷണങ്ങളിൽ ഈ ചിഹ്നം കാണാം.

ഈ ലേബലുകളെല്ലാം ഫുഡ് സേഫ്റ്റി ആൻഡ് സ്റ്റാൻഡേർഡ് അതോറിറ്റി ഓഫ് ഇന്ത്യ 2006-ലെ നിയമപ്രകാരം നടപ്പിലാക്കിയതാണ്. ഉപഭോക്താക്കൾക്ക് സുരക്ഷിതമായ ഭക്ഷണ തിരഞ്ഞെടുപ്പുകൾ നടത്താൻ ഈ ചിഹ്നങ്ങൾ സഹായിക്കുന്നു.