സംസ്ഥാനത്ത് താപനില 40 ഡിഗ്രി സെല്ഷ്യസിനു മുകളിലേക്ക് ; 'സെല്ഫ് ലോക്ക്ഡൗണിന് സമയമായി': മുഖ്യമന്ത്രിയുടെ മുന്നറിയിപ്പ്
തിരുവനന്തപുരം: സംസ്ഥാനത്ത് താപനില 40 ഡിഗ്രി സെല്ഷ്യസിനു മുകളിലേക്ക് ഉയര്ന്ന സാഹചര്യത്തില് മുന്നറിയിപ്പുമായി മുഖ്യമന്ത്രി പിണറായി വിജയന്. പാലക്കാട്, കൊല്ലം, തൃശൂര് ജില്ലകളില് കേന്ദ്ര കാലാവസ്ഥാ വകുപ്പ് ഔദ്യോഗികമായി ഉഷ്ണതരംഗ മുന്നറിയിപ്പ് പ്രഖ്യാപിച്ചിരിക്കുകയാണ്. ഈ സാഹചര്യത്തില് നാമെല്ലാവരും അതീവ ജാഗ്രത പുലര്ത്തേണ്ടതുണ്ടെന്നു മുഖ്യമന്ത്രി ഫെയ്സ്ബുക്ക് കുറിപ്പില് വ്യക്തമാക്കി. സംസ്ഥാനത്ത് താപനില 40 ഡിഗ്രി സെല്ഷ്യസിനു മുകളിലേക്ക് ഉയര്ന്ന പശ്ചാത്തലത്തില് പാലക്കാട്, കൊല്ലം, തൃശൂര് ജില്ലകളില് കേന്ദ്ര കാലാവസ്ഥാ വകുപ്പ് ഔദ്യോഗികമായി ഉഷ്ണതരംഗ (Heatwave) മുന്നറിയിപ്പ് പ്രഖ്യാപിച്ചിരിക്കുകയാണ്. അന്തരീക്ഷത്തില് ഈര്പ്പം കൂടുതലായതിനാല് മറ്റ് ജില്ലകളിലും അനുഭവപ്പെടുന്ന ചൂട് വളരെ കൂടുതലാണ്. ഈ സാഹചര്യത്തില് നാമെല്ലാവരും അതീവ ജാഗ്രത പുലര്ത്തേണ്ടതുണ്ട്.
ചൂട് വര്ദ്ധിക്കുന്നത് ഗുരുതരമായ ആരോഗ്യപ്രശ്നങ്ങള്ക്കും ജീവാപായത്തിനും വരെ കാരണമായേക്കാം. അതിനാല് താഴെ പറയുന്ന സുരക്ഷാ നിര്ദേശങ്ങള് എല്ലാവരും കര്ശനമായി പാലിക്കണം. പകല് 11 മുതല് 3 വരെ പുറത്തിറങ്ങരുത്: ഈ സമയത്ത് നേരിട്ട് വെയിലേല്ക്കുന്നത് ഒഴിവാക്കുക. കോവിഡ് കാലത്തെപ്പോലെ ഇതൊരു 'സെല്ഫ് ലോക്ക്ഡൗണ്' സമയമായി കണ്ട് അനാവശ്യ യാത്രകളും പുറംപണികളും ഒഴിവാക്കാന് ശ്രദ്ധിക്കണം. വീടിനകത്തും തൊഴിലിടങ്ങളിലും നല്ല വായുസഞ്ചാരം ഉറപ്പാക്കണം. വെള്ളവും ഭക്ഷണവും: ദാഹമില്ലെങ്കിലും ധാരാളം ശുദ്ധജലം കുടിക്കുക. നിര്ജ്ജലീകരണം ഉണ്ടാക്കുന്ന പാനീയങ്ങള് ഒഴിവാക്കാം. പോഷക സമൃദ്ധമായ ഭക്ഷണം കഴിക്കാന് ശ്രദ്ധിക്കുക
About SooryaAishani
No comments
Post a Comment