കരിപ്പൂർ വിമാനത്താവളം കാണാനെത്തിയ യുവാവ് വ്യൂ പോയിന്റിൽ നിന്ന് വീണ് മരിച്ചു

കോഴിക്കോട് :- കരിപ്പൂർ വിമാനത്താവളം കാണാൻ കൂട്ടുകാരോടൊപ്പം എത്തിയ യുവാവ് വെങ്കുളത്തെ വ്യൂ പോയിന്റിൽ നിന്ന് വീണ് മരിച്ചു. ഇന്ന് പുലർച്ചെ 5 മണിയോടെയായിരുന്നു അപകടം. മലപ്പുറം മുണ്ടുപറമ്പ് സ്വദേശി ജിതിൻ ആണ് മരിച്ചത്. 

താഴ്ച്ചയിലേക്ക് വീണ ജിതിന്റെ കഴുത്തിൽ കമ്പ് തറച്ചു കയറുകയായിരുന്നു. ഗുരുതര പരിക്കുകളോടെ യുവാവിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചിരുന്നു. എന്നാൽ ജീവൻ രക്ഷിക്കാനായില്ല.