അതിജീവിതയെ അധിക്ഷേപിച്ച കേസ്: രാഹുല് ഈശ്വര് അറസ്റ്റില്
തിരുവനന്തപുരം: അതിജീവിതയെ അധിക്ഷേപിച്ചെന്ന പരാതിയില് രാഹുല് ഈശ്വറിനെ അറസ്റ്റ് ചെയ്തു. ജാമ്യമില്ലാ വകുപ്പ് കൂടിചുമത്തിയാണ് അറസ്റ്റ് രേഖപ്പെടുത്തിയത്.
രാഹുല് ഈശ്വറെ ഇന്ന് മജിസ്സ്ട്രേറ്റിന് മുന്നില് ഹാജരാക്കും. അന്വേഷണത്തിൻ്റെ ഭാഗമായി രാഹുല് ഈശ്വറിൻ്റെ മൊബൈല് ഫോണ് പൊലീസ് കസ്റ്റഡിയിലെടുത്തു.
ലാപ്പ്ടോപ്പില് നിന്നാണ് വീഡിയോ അപ്ലോഡ് ചെയ്തതെന്നായിരുന്നു രാഹുല് ഈശ്വറിൻ്റെ ആദ്യമൊഴി. പിന്നീട് ഓഫീസില് പരിശോധനക്കിറങ്ങിയപ്പോള് മൊബൈല് കൈമാറുകയായിരുന്നു. പരിശോധനയില് മൊബൈലിലെ ഒരു ഫോള്ഡറില് അപ്ലോഡ് ചെയ്ത വീഡിയോ പൊലീസ് കണ്ടെത്തി.
അതേസമയം, കേസില് നാലു പേരെ പ്രതിചേർത്തു. രഞ്ജിത പുളിക്കൻ, അഡ്വ. ദീപ ജോസഫ്, സന്ദീപ് വാര്യർ, രാഹുല് ഈശ്വർ എന്നിവരെയാണ് സൈബർ ആക്രമണ കേസില് പ്രതിചേർത്തത്. ദീപ ജോസഫ് രണ്ടു പോസ്റ്റുകളിലൂടെ പരാതികാരിയെ അപമാനിച്ചുവെന്ന് പൊലീസ് പറയുന്നു.ഇന്നലെ വൈകുന്നേരത്തോടെയാണ് രാഹുല് ഈശ്വറെ പൊലീസ് ചോദ്യം ചെയ്യാനായി വിളിപ്പിച്ചത്. പിന്നീട് എആർ ക്യാമ്ബില് വെച്ച് വിശദമായി ചോദ്യം ചെയ്യുകയായിരുന്നു. രാഹുല് ഈശ്വർ ഉള്പ്പെടെ 4 പേരുടെ യുആർഎല് ഐഡികളാണ് പരാതിക്കാരി സമർപ്പിച്ചത്. ഇത് പരിശോധിച്ചതിന് ശേഷമാണ് പൊലീസ് തുടർനടപടികളിലേക്ക് കടന്നത്. കോണ്ഗ്രസ് നേതാവായ സന്ദീപ് വാര്യരുടേയും രണ്ടു വനിതകളുടേയും അടക്കം യുആർഎല് ഉള്പ്പെടെ നല്കിയ പരാതിയിലാണ് പൊലീസിൻ്റെ നിർണായക നീക്കം.
About Divya
No comments
Post a Comment