കണ്ണൂര് നടുറോഡില് ഭാര്യയെ കൊല്ലാൻ ശ്രമിച്ചെന്ന കേസില് യുവാവ് അറസ്റ്റില്
കണ്ണൂർ: കണ്ണൂർ നഗരത്തില് നടുറോഡില് വെച്ച് ഭാര്യയെ കത്തികൊണ്ട് കുത്തിക്കൊല്ലാൻ ശ്രമിച്ചു എന്ന കേസില് പ്രതിയെ പൊലീസ് അറസ്റ്റ് ചെയ്തു.ഇസ്മായില് എന്നയാള്ക്കെതിരെയാണ് കണ്ണൂർ ടൗണ് ഇൻസ്പെക്ടർ പി എ ബിനുമോഹനും പ്രത്യേക സ്ക്വാഡും ചേർന്ന് നടപടി സ്വീകരിച്ചത്. ഇയാളെ പൊലീസ് കസ്റ്റഡിയിലെടുത്ത് അറസ്റ്റ് രേഖപ്പെടുത്തി.
എസ് എൻ പാർക്കിന് സമീപം സംഭവം, പൊലീസ് പറയുന്നത്:
കണ്ണൂർ എസ്.എൻ പാർക്കിന് സമീപത്ത് വെച്ച് ചൊവ്വാഴ്ച രാവിലെയാണ് സംഭവം നടന്നതെന്നാണ് പരാതി. നടുറോഡില് വെച്ച് ഭാര്യയെ കഴുത്തിന് കത്തികൊണ്ട് കുത്തി പരുക്കേല്പ്പിക്കാൻ ശ്രമിച്ചു എന്നാണ് പൊലീസ് നല്കുന്ന വിവരം. ആക്രമണത്തെത്തുടർന്ന് യുവതിക്ക് പരുക്കേറ്റതായും പൊലീസ് വ്യക്തമാക്കി.
യുവതി ചികിത്സയില്
കുത്തേറ്റതിനെ തുടർന്ന് പരുക്കേറ്റ യുവതിയെ ഉടൻ തന്നെ ജില്ലാ ആശുപത്രിയില് പ്രവേശിപ്പിച്ചു. യുവതി ആശുപത്രിയില് ചികിത്സ തേടിയിട്ടുണ്ട്. പരാതിയുടെ അടിസ്ഥാനത്തില് പ്രതി ഇസ്മയിലിനെതിരെ വധശ്രമം ഉള്പ്പെടെയുള്ള വകുപ്പുകള് ചുമത്തി കേസെടുത്ത് വിശദമായ അന്വേഷണം ആരംഭിച്ചതായി പൊലീസ് അറിയിച്ചു.
About Divya
No comments
Post a Comment