തടവുകാരനെ അപായപ്പെടുത്താൻ ശ്രമം സഹതടവുകാരനെതിരെ കേസ്

കണ്ണൂർ: സെൻട്രൽ ജയിലിൽ തടവുകാരൻ സഹതടവുകാരനെ കഴുത്തിൽ തോർത്ത് ചുറ്റി പിടിച്ച് മർദ്ദിച്ച് അപായപ്പെടുത്താൻ ശ്രമം ജയിൽ സൂപ്രണ്ടിൻ്റെ പരാതിയിൽ ടൗൺ പോലീസ് കേസെടുത്തു. തടവുകാരൻ സുരേഷിനെ (50) യാണ് ശിക്ഷാ തടവുകാരൻ മർദ്ദിച്ചത്. ഇന്നലെയാണ് സംഭവം. ജയിലിൽ വെച്ച് ചായ സമയം കഴിഞ്ഞിട്ടും ജോലിക്ക് വരാൻ വൈകിയത് ചോദിച്ചതിന് സഹതടവുകാരനായ കിരൺ ഷെട്ടിയാണ് ആക്രമിച്ചത്. പരാതിയിൽ കേസെടുത്ത പോലീസ് അന്വേഷണം തുടങ്ങി.