മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസ്; നടന് സൗബിന് സാഹിര് ഇന്ന് ഹാജരാകില്ല
മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസില് നടന് സൗബിന് സാഹിര് ഇന്ന് ഹാജരാകില്ല. ഹാജരാകാനുള്ള സമയം കോടതി നീട്ടി നല്കി. ഈ മാസം 27നു ഹാജരാകാന് നിര്ദേശം നല്കിയതായി പൊലീസ്. കേസ് റദ്ദാക്കണമെന്ന് ആവശ്യപ്പെട്ട് നിര്മാതാക്കാള് ഹൈക്കോടതിയെ സമീപിച്ചിരുന്നെങ്കിലും അന്വേഷണം തുടരാനായിരുന്നു ഹൈക്കോടതിയുടെ നിര്ദേശം.
പിന്നാലെയാണ് പൊലീസ് സൗബിന് സാഹിര് സഹനിര്മ്മാതാക്കളായ ബാബു ഷാഹിര് ഷോണ് ആന്റണി എന്നിവര്ക്ക് നോട്ടീസ് നല്കിയത്. സിനിമ നിര്മ്മിക്കാനായി 7 കോടി വാങ്ങി ലാഭവിഹിതമോ മുടക്കുമുതലോ നല്കാതെ ചതിച്ചെന്നാണ് അരൂര് സ്വദേശി സിറാജിന്റെ പരാതി.
സിനിമക്ക് വേണ്ടി ഏഴ് കോടി രൂപ നിക്ഷേപിച്ചതിന് ശേഷം ലാഭവിഹിതവും പണവും നല്കിയില്ലെന്ന് കാണിച്ച് അരൂര് സ്വദേശി സിറാജ് പരാതി നല്കിയിരുന്നു. ചിത്രത്തിന്റെ നിര്മാതാക്കളായ പറവ ഫിലിംസുമായി ബന്ധപ്പെട്ടവര് ലാഭവിഹിതമോ മുടക്കുമുതലോ നല്കാതെ ചതിച്ചെന്ന് കാണിച്ചായിരുന്നു പരാതി. 40 ശതമാനം ലാഭവിഹിതം വാഗ്ദാനം ചെയ്താണ് നിര്മാതാക്കള് പണം കൈപ്പറ്റിയതെന്നും ഏഴ് കോടി രൂപ മുടക്കിയ ചിത്രം വന് വിജയമായിട്ടും മുടക്ക് മുതലോ ലാഭവിഹിതമോ തന്നില്ലെന്നുമായിരുന്നു പരാതിക്കാരന്റെ ആരോപണം
About Soorya
No comments
Post a Comment