വിമാനത്താവളത്തിൽ ടാക്സികൾക്കും നിയന്ത്രണം

 മട്ടന്നൂർ  : കണ്ണൂർ വിമാനത്താവളത്തിൽ നിന്ന് യാത്രക്കാരെ കയറ്റുന്നതിന് ടാക്സികൾക്കും നിയന്ത്രണം ഏർപ്പെടുത്തി. ആഗമന ടെർമിനലിൽ നിന്ന് യാത്രക്കാരെ കയറ്റുന്നതിന് ഓട്ടോറിക്ഷകൾക്ക് ഈ മാസം ആദ്യം നിയന്ത്രണം ഏർപ്പെടുത്തിയിരുന്നു. പ്രതിഷേധം ഉയർന്നതിനെ തുടർന്ന് 15 വരെ ഇളവ് നൽകി.ഈ നിയന്ത്രണമാണ് ടാക്സികൾക്കും ബാധകമാക്കിയത്. ആഗമന ടെർമിനൽ പരിസരത്ത് പാർക്ക് ചെയ്യാനോ വിമാനത്താവളത്തിൽ നിന്ന് യാത്രക്കാരെ കയറ്റാനോ അനുവദിക്കില്ല. എന്നാൽ വിമാനത്താവളത്തിലേക്ക് യാത്രക്കാരെ എത്തിക്കുന്നതിന് തടസ്സമില്ല.