ലോകകപ്പ് ആവേശം അതിരുവിട്ടു; കണ്ണൂരില്‍ നാല് പേർക്ക് വെട്ടേറ്റു, ഒരാളുടെ നില ഗുരുതരം

കണ്ണൂർ പള്ളിയാംമൂലയിൽ ഫൈനൽ മത്സരം നടക്കുന്നിടെ ഫുട്ബോൾ ഫാൻസ്‌ തമ്മിൽ സംഘർഷം കണ്ണൂരിൽ 4 പേർക്ക് വെട്ടേറ്റു.

അനുരാഗ്, ആദർശ്, നകുൽ, അലക്സ് എന്നിവർക്കാണ് പരിക്കേറ്റത്. ആറ്പേരെ പോലീസ് കസ്റ്റഡിയിൽ എടുത്തു.ഇതിൽ അനുരാഗിന്റെ നിലയാണ് ഗുരുതരം. പരിക്കേറ്റ മൂന്നുപേരെയും രണ്ട് സ്വകാര്യ ആശുപത്രികളിലാണ് പ്രവേശിപ്പിച്ചിരിക്കുന്നത്. തിങ്കളാഴ്ച പുലർച്ചെ 12.40 ഓടെയായിരുന്നു സംഭവം നേരത്തെ ലോകകപ്പ് മത്സരത്തിൽ ബ്രസീൽ തോറ്റപ്പോഴും ഇതേ സ്ഥലത്ത് സംഘർഷമുണ്ടായിരുന്നു.
എന്നാൽ അന്ന് ആർക്കും പരിക്കേറ്റിരുന്നില്ല. ഇത്തവണ ആദ്യം വാക്കേറ്റമുണ്ടാവുകയും പിന്നീട് സംഘർഷത്തിലേക്കും ആക്രമണത്തിലേക്കും കടക്കുകയുമായിരുന്നു. ഉടൻതന്നെ പോലീസ് എത്തി പരിക്കേറ്റവരെ ആശുപത്രിയിൽ എത്തിച്ചു. ഫ്രാൻസ്- അർജന്റീന മത്സരത്തിന് പിന്നാലെ ഫ്രാൻസ് ആരാധകരെ ഒരുസംഘംകളിയാക്കുകയതോടെയാണ് പ്രശ്നങ്ങൾക്ക് തുടക്കമായത്. ഇവർ ലഹരി ഉപയോഗിച്ചിരുന്നോ എന്ന കാര്യം പോലീസ് അന്വേഷിക്കുന്നുണ്ട്.