സുഹൃത്തുക്കള്ക്കൊപ്പം രാത്രി 9 വരെ ചെലവഴിക്കാം, ഭര്ത്താവിനെ ഫോണ് ചെയ്ത് ശല്യം ചെയ്യില്ല; മുദ്രപ്പത്രത്തില് ഒപ്പിട്ട് വധു;വൈറല്
ഭര്ത്താവിന് സുഹൃത്തുക്കള്ക്കൊപ്പം രാത്രി ഒന്പത് വരെ ചെലവഴിക്കാമെന്നും ആ സമയം ഫോണ് വിളിച്ച് ശല്യം ചെയ്യില്ലെന്നും വധു മുദ്രപ്പത്രത്തില് ഒപ്പിട്ടുനല്കിയത് സാമൂഹിക മാധ്യമങ്ങളില് വൈറല്. ശനിയാഴ്ച വിവാഹിതയായ കാക്കയൂര് വടക്കേപ്പുര വീട്ടില് എസ് അര്ച്ചനയാണ് ഭര്ത്താവ് കൊടുവായൂര് മലയക്കോട് വി എസ് ഭവനില് എസ് രഘുവിന്റെ സുഹൃത്തുക്കള്ക്ക് മുദ്രപ്പത്രത്തിലൂടെ ഉറപ്പുനല്കിയത്.
വരന്റെ സുഹൃത്തുക്കള് വിവാഹസമ്മാനമായി 50 രൂപയുടെ മുദ്രപ്പത്രത്തില് വധുവിന്റെ അനുമതിപത്രം വാങ്ങിയശേഷം സമൂഹിക മാധ്യമങ്ങളില് പ്രചരിപ്പിക്കുകയായിരുന്നു.
രാത്രി ഒന്പതുവരെ കൂട്ടുകാര്ക്കൊപ്പം ഇരിക്കുമ്പോള് ഫോണ്ചെയ്ത് ശല്യപ്പെടുത്തില്ലെന്നതിലെ കൗതുകം കണ്ട് നിരവധിപേര് പ്രചാരണമേറ്റെടുക്കുകയായിരുന്നു.
വധുവിനും വരനും കൂട്ടുകാര്ക്കുമെല്ലാം സാമൂഹികമാധ്യമങ്ങളില് ഇതോടെ ആശംസ പ്രവാഹമായി. രഘു കഞ്ചിക്കോട്ടെ സ്വകാര്യ കമ്പനിയിലെ ജീവനക്കാരനാണ്. വധു ബാങ്ക് ജോലി ലഭിക്കുന്നതിന് വേണ്ടിയുള്ള പഠനത്തിലാണ്.
About Soorya
No comments
Post a Comment