ഡ്രൈവര് നിയമനത്തിന് ഒരു ലക്ഷത്തിലധികം അപേക്ഷകര്; പൊതുപരീക്ഷ സെപ്റ്റംബര് 3-ന്
തിരുവനന്തപുരം : വിവിധ വകുപ്പുകളിലും സ്ഥാപനങ്ങളിലും ഡ്രൈവര്നിയമനത്തിനുള്ള പൊതുപരീക്ഷ സെപ്റ്റംബര് 3-ന് നടത്തും. 19 കാറ്റഗറികളിലായി മൊത്തം 1,04,908 അപേക്ഷകളുണ്ട്. ഇവരില് പൊതു അപേക്ഷകര് 70,000 വരുമെന്നാണ് കണക്കാക്കുന്നത്. പൊതുപരീക്ഷയില് വിജയിക്കുന്നവരെ വ്യത്യസ്ത തസ്തികകളിലെ ചുരുക്കപ്പട്ടികയില് ഉള്പ്പെടുത്തും. പ്രായോഗിക പരീക്ഷയ്ക്കുശേഷമാണ് റാങ്ക് പട്ടിക തയ്യാറാക്കുന്നത്.
പരീക്ഷയെഴുതാന് താത്പര്യമുള്ളവര് ജൂലായ് 12-നകം ഒറ്റത്തവണ പ്രൊഫൈലിലൂടെ ഉറപ്പുനല്കണം. അവര്ക്ക് മാത്രമേ പരീക്ഷാസൗകര്യം ഒരുക്കുകയുള്ളൂ. മറ്റുള്ളവരുടെ അപേക്ഷ അസാധുവാക്കും. എക്സൈസിലേക്കാണ് ഏറ്റവും കൂടുതല് അപേക്ഷകള് ലഭിച്ചിട്ടുള്ളത്-23,010 എണ്ണം. സര്വകലാശാലകള്, ടൂറിസം, ഹാന്റെക്, സ് മാര്ക്കറ്റ്ഫെഡ്, മത്സ്യഫെഡ്,റബ്ബര് ഫെഡറേഷന്, വനംവകുപ്പ്, വിവിധ വകുപ്പുകള് എന്നിവിടങ്ങളിലേക്കാണ് മറ്റ് കാറ്റഗറി വിജ്ഞാപനങ്ങള്. പരീക്ഷയെഴുതുമെന്ന് ഉറപ്പുനല്കുന്നവര്ക് ഓഗസ്റ്റ് 20 മുതല് പ്രൊഫൈലില് അഡ്മിഷന് ടിക്കറ്റ് ലഭ്യമാക്കും.
No comments
Post a Comment