കൊച്ചി: വിവാഹ വാഗ്ദാനം ചെയ്ത് പീഡിപ്പിച്ചെന്ന പരാതിയിൽ ഡോക്ടർ അറസ്റ്റിൽ. കളമശ്ശേരി പത്തടിപ്പാലത്തെ സ്വകാര്യ ആശുപത്രിയിൽ അസ്ഥിരോഗ വിദഗ്ദനായ തൃപ്പൂണിത്തുറ എരൂർ അയ്യമ്പള്ളിക്കാവ് റോഡിൽ ഗ്ലോസി അപ്പാർട്ട്മെന്‍റ്ഫ്യൂഷൻ ഹോംസ് ഫ്ലാറ്റ് നമ്പർ എ3യിൽ താമസിക്കുന്ന എൻ. ശ്രീഹരിയാണ് അറസ്റ്റിലായത്. എറണാകുളം ടൗൺ നോർത്ത് പൊലീസാണ് ഇയാളെ അറസ്റ്റ് ചെയ്തത്.
2020 ജനുവരി 26-ന് വാൽപാറയിലും ഫെബ്രുവരിയിൽ കൂർഗിലെ റിസോർട്ടിലും മാർച്ച് 15-ന് എറണാകുളം ചിറ്റൂർ റോഡിലെ ഹോട്ടലിലും 2021 ഏപ്രിൽ മുതൽ കതൃക്കടവിലെ അപ്പാർട്ട്മെന്‍റിലും എത്തിച്ച് പലതവണ പരാതിക്കാരിയെ നിർബന്ധിച്ച് ലൈംഗികമായി പീഡിപ്പിച്ചെന്നാണ് പരാതി. യുവതിയുടെ പരാതിയുടെ അടിസ്ഥാനത്തിലാണ് അറസ്റ്റ്.
പ്രതിയെ ഇന്ന് കോടതിയിൽ ഹാജരാക്കും.
