രോഗിയുടെ ബന്ധുവിന്റെ മുട്ടുകാൽ തല്ലിയൊടിക്കുമെന്ന് ഭീഷണി; ഡോക്ടർക്ക്‌ സസ്പെന്‍ഷൻ
തിരുവനന്തപുരത്ത് രോഗിയുടെ ബന്ധുവിനോട് മുട്ടുകാല്‍ തല്ലിയൊടിക്കുമെന്ന പറഞ്ഞ ഡോക്ടര്‍ക്ക് സസ്‌പെന്‍ഷന്‍. തിരുവനന്തപുരം മെഡിക്കല്‍ കോളജിലെ അത്യാഹിത വിഭാഗത്തിലാണ് സംഭവം. രോഗിയുടെ ബന്ധുക്കളോട് അപമര്യാദയായി പെരുമാറിയതിന് ഡോ. അനന്തകൃഷ്ണന് എതിരെയാണ് നടപടി.
മെഡിക്കല്‍ കോളജിലെ അത്യാഹിത വിഭാഗത്തില്‍ ഡോക്ടറും രോഗിയുടെ ബന്ധുക്കളും തമ്മില്‍ ഉണ്ടായ തര്‍ക്കം സാമൂഹ്യ മാധ്യമങ്ങളിലൂടെ പുറത്ത് വന്നിരുന്നു. ഇതിനെ തുടര്‍ന്ന അന്വേഷണത്തിന്റെ ഭാഗമായാണ് നടപടി സ്വീകരിച്ചിരിക്കുന്നത്.
കഴിഞ്ഞ ദിവസം രോഗിയുടെ എക്‌സറേ എടുക്കാനായി എത്തിയപ്പെള്‍ ഡോക്ടര്‍ കുറിച്ച് നല്‍കിയ കുറിപ്പില്‍ ലാബ് ടെക്നീഷ്യന്‍ സംശയം ഉന്നയിച്ചിരുന്നു. കുറിപ്പ് തെറ്റാണ് എന്ന ചൂണ്ടിക്കാട്ടി മാറ്റി എഴുതണം എന്ന ആവശ്യവുമായി ബന്ധുക്കള്‍ ഡോക്ടറെ സമീപിച്ചു. ഇതേ തുടര്‍ന്നാണ് തര്‍ക്കം ഉണ്ടായത്.
തന്നെ പഠിപ്പിക്കേണ്ട പറഞ്ഞത് പോലെ എക്‌സ്റേ എടുത്താല്‍ മതി എന്ന് ഡോക്ടറുടെ മറുപടി നല്‍കി. ശേഷം രോഗിയുടെ ബന്ധുവിനോട് മുട്ടുകാല്‍ തല്ലിയൊടിക്കും ഇറങ്ങിപ്പോടാ എന്ന ആക്രോശിക്കുകയും ചെയ്തു. സംഭവത്തില്‍ ആരോഗ്യവിദ്യാഭ്യാസ ഡയറക്ടര്‍ അന്വേഷണം ആവശ്യപ്പെട്ടിട്ടുണ്ട്.
About Ammus
No comments
Post a Comment