ജോസ് കെ മാണി രാജിവെച്ചു; ഇനി ഇടതു മുന്നണിക്കൊപ്പം

കേരള കോൺഗ്രസ് എം ജോസ് വിഭാഗം ഇടതുമുന്നണിയിൽ ചേർന്നു. ഇതോടൊപ്പം ജോസ് കെ മാണി രാജ്യസഭാ അംഗത്വവും രാജിവെച്ചു. കേരള രാഷ്ട്രീയത്തിന്റെ ഗതി നിർണയിക്കുന്നതാണ് ഈ പ്രഖ്യാപനമെന്നും ഇടതു മുന്നണിക്കൊപ്പം ചേർന്ന് ഒറ്റക്കെട്ടായി പ്രവർത്തിക്കുമെന്നും ജോസ് കെ മാണി പറ‍ഞ്ഞു. ഇതോടെ 38 വർഷക്കാലം നീണ്ട യുഡിഎഫുമായുള്ള ബന്ധമാണ് അവസാനിച്ചത്. 1982 ന് ശേഷം ഇതാദ്യമായാണ് കേരള കോൺഗ്രസ് എം എൽഡിഎഫിലേക്ക് തിരിച്ചെത്തുന്നത്.