മുഖ്യമന്ത്രി പിണറായി വിജയന്റെ മകള്‍ വീണയും മുഹമ്മദ് റിയാസും വിവാഹിതരായി
തിരുവനന്തപുരം :
മുഖ്യമന്ത്രി പിണറായി വിജയന്റെ മകള്‍ വീണയും ഡിവൈഎഫ്ഐ അഖിലേന്ത്യ പ്രസിഡന്റ് മുഹമ്മദ് റിയാസും വിവാഹിതരായി. ക്ലിഫ് ഹൗസിലാണ് വിവാഹ ചടങ്ങുകള്‍ നടന്നത്.
വിവാഹം രജിസ്റ്റര്‍ ചെയ്യുന്നതിന്റെ നടപടികള്‍ ഇന്നാണ് പൂര്‍ത്തിയായത്. ലളിതമായ ചടങ്ങുകളോടെയാണ് വിവാഹം സംഘടിപ്പിച്ചത് .കോവിഡ് പ്രോട്ടോക്കോളിനു വിധേയമായി അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്‍ സന്നിഹിതരായത് .
ഐ ടി എന്‍ജിനീയറിങ് ബിരുദധാരിയായ വീണ, ബംഗളൂരുവില്‍ എക്‌സലോജിക് സൊലൂഷന്‍സ് എന്ന ഐടി കമ്പനിയുടെ മാനേജിംഗ് ഡയറക്ടറായി പ്രവര്‍ത്തിക്കുകയാണ് .എസ് എഫ് ഐയിലൂടെ സാമൂഹ്യ രംഗത്ത് സജീവമായ പി എ മുഹമ്മദ് റിയാസ് എല്‍ എല്‍ ബി ബിരുദധാരിയാണ്. നിലവില്‍ സിപിഐ എം സംസ്ഥാന കമ്മറ്റി അംഗവും ഡിവൈഎഫ്ഐ അഖിലേന്ത്യാ പ്രസിഡന്റുമാണ്.
About Ammus
No comments
Post a Comment