കെ.എസ്.ആര്.ടി.സിയുടെ 'പിങ്ക്ബസ്' ഇന്നുമുതല്
പരീക്ഷണാടിസ്ഥാനത്തില് ആരംഭിക്കുന്ന രാത്രികാല 'പിങ്ക് ബസ്' സര്വീസുകള് ഇന്ന് ആരംഭിക്കും. യു.ഡി.എഫ്. സര്ക്കാരിന്റെ നൂറുദിന കര്മപരിപാടികളുടെ ഭാഗമായ പദ്ധതിയുടെ സംസ്ഥാനതല ഉദ്ഘാടനം ഇന്ന് ഒന്നിന് തിരുവനന്തപുരം സെന്ട്രല് ഡിപ്പോയില് ഗതാഗത മന്ത്രി സി.പി ജോണ് നിര്വഹിക്കും.
തുടക്കത്തില് തിരുവനന്തപുരം നഗരത്തില് ടെകേ്നാപാര്ക്ക് റൂട്ടിലാണ് പിങ്ക് ബസ് സര്വീസ് നടത്തുക. കിഴക്കേകോട്ടയില് നിന്നാരംഭിച്ച് തമ്പാനൂര്, പട്ടം, മെഡിക്കല് കോളജ് (ആര്.സി.സി), ഉള്ളൂര്, കഴക്കൂട്ടം, ടെകേ്നാപാര്ക്ക്, ഇന്ഫോസിസ്, ലുലു മാള്, കിംസ് ആശുപത്രി എന്നീ പ്രധാന കേന്ദ്രങ്ങള് വഴിയാകും ബസ് സര്വീസ് നടത്തുക. രാത്രി ഒന്പത് മണിക്ക് ശേഷം നഗരത്തിലെത്തുന്ന വനിതാ യാത്രക്കാര്, ആശുപത്രി ജീവനക്കാര്, സിനിമ കഴിഞ്ഞിറങ്ങുന്നവര്, ട്രെയിന് മാര്ഗം തമ്പാനൂരിലെത്തുന്ന രോഗികളും കൂട്ടിരിപ്പുകാരും ഉള്പ്പെടെയുള്ളവര്ക്ക് ഈ സര്വീസ് വലിയ ആശ്വാസമാകും. രാത്രി പത്തിനും രാവിലെ അഞ്ചിനുമുള്ള ഷിഫ്റ്റുകളില് ജോലി കഴിഞ്ഞ് മടങ്ങുന്ന ഐടി ജീവനക്കാരുടെ യാത്രാകേ്ലശം പരിഹരിക്കണമെന്നാവശ്യപ്പെട്ട് 'പ്രതിധ്വനി' എന്ന സംഘടന നല്കിയ നിവേദനവും പരിഗണിച്ചാണ് സര്വീസ്. തിരുവനന്തപുരം, എറണാകുളം ഡിപ്പോകളില്നിന്നുള്ള ഏറ്റവും പുതിയ ലിങ്ക് ഫാസ്റ്റ് പാസഞ്ചര് ബസുകളാണ് പിങ്ക് സര്വീസിനായി നിലവില് അനുവദിച്ചിട്ടുള്ളത്. രാത്രികാലങ്ങളില് സാധാരണ ബസുകള് ഇല്ലാത്തതിനാല് ഉയര്ന്ന തുക നല്കി മറ്റ് വാഹനങ്ങളെ ആശ്രയിക്കേണ്ടി വരുന്ന വനിതകള്ക്ക് പുതിയ പദ്ധതി ഏറെ പ്രയോജനകരമാകും. സര്വീസുകളുടെ കൃത്യത ഉറപ്പാക്കാനും വരുമാനം വര്ധിപ്പിക്കാനുമായി ഭാവിയില് ഓണ്ലൈന് റിസര്വേഷന് സൗകര്യവും ഇലക്ട്രിക് ബസുകളും പദ്ധതിയുടെ ഭാഗമാക്കാന് കെ.എസ്.ആര്.ടി.സി. ആലോചിക്കുന്നുണ്ടെന്ന് മന്ത്രി സി.പി ജോണ് അറിയിച്ചു.
About SooryaAishani
No comments
Post a Comment