ആലക്കോട് മേഖലയിൽ ഓർഡിനറി ബസുകൾ തീരെ കുറവ്; വനിതകൾക്ക് സൗജന്യ യാത്ര കുടിയാൻമലയ്ക്ക് കോട്ടപ്പൊന്ന്!
നാലര പതിറ്റാണ്ടായി കെ.എസ്.ആർ.ടി.സി. ബസുകൾ മാത്രം സർവീസ് നടത്തുന്ന റൂട്ടാണിത്. കണക്കക്കുന്ന്, വലിയരിക്കമല, പൊട്ടൻപ്ലാവ്, വൈതൽമല, മണ്ടളം, പുലിക്കുരുമ്പ തുടങ്ങിയ മലയോര മേഖലകളിലേക്ക് ഇവിടെ നിന്നാണ് സർവീസുകളുള്ളത്.
സർവീസുകൾ ഇങ്ങനെ:
* രാവിലെ നാലുമണിയോടെ കുടിയാൻമലയിൽ നിന്നാണ് ആദ്യ സർവീസ് ആരംഭിക്കുന്നത്. തുടർന്ന് രാത്രി ഒൻപത് മണി വരെ സർവീസുകൾ ലഭ്യമാണ്.
* രണ്ട് ബസുകൾ കണ്ണൂർ റെയിൽവേ സ്റ്റേഷനിലേക്ക് സർവീസ് നടത്തുന്നു.
* ഈ റൂട്ടിൽ സർവീസ് നടത്തുന്ന 11 ബസുകളും കണ്ണൂർ ഡിപ്പോയുടേതാണ്. രണ്ട് ബസുകൾ പയ്യന്നൂർ ഡിപ്പോയുടേതുമാണ്.
* മുൻപ് സർവീസ് നടത്തിയിരുന്ന മൂന്ന് ദീർഘദൂര സൂപ്പർ ഫാസ്റ്റ് ബസുകൾ നിർത്തലാക്കി പകരം ഓർഡിനറി സർവീസുകൾ ആരംഭിച്ചതാണ് ഇപ്പോൾ കുടിയാൻമലക്കാർക്ക് വലിയ അനുഗ്രഹമായി മാറിയിരിക്കുന്നത്. ശരാശരി 13,000 രൂപയോളം വരുമാനമാണ് ഓർഡിനറി ബസുകളിൽ നിന്ന് ഈ റൂട്ടിൽ ലഭിക്കുന്നത്.
About SooryaAishani
No comments
Post a Comment