മടക്കാട് കൃഷിയിടത്തിൽ വൻ തീപിടുത്തം: ഒരേക്കറോളം കൃഷി നശിച്ചു

തളിപ്പറമ്പ്: തളിപ്പറമ്പ് - കൂർഗ് ബോർഡർ റോഡിലെ മടക്കാട് റോഡരികിലുള്ള കൃഷിയിടത്തിൽ വൻ തീപിടുത്തം. വെളളിയാഴ്ച ഉച്ചയോടെയാണ് സംഭവം. റോഡരികിലെ കൃഷിയിടത്തിൽ പടർന്ന തീയിൽ ഏകദേശം ഒരേക്കറോളം സ്ഥലത്തെ കൃഷി പൂർണ്ണമായും കത്തിനശിച്ചു.

കഴിഞ്ഞ ദിവസം തളിപ്പറമ്പ് റോഡിൽ വാഹനം മറിഞ്ഞ സ്ഥലത്തിന് തൊട്ടടുത്തായാണ് ഈ അപകടവും സംഭവിച്ചിരിക്കുന്നത്. ഉണങ്ങിയ പുല്ലും കരിയിലകളും നിറഞ്ഞ പ്രദേശമായതിനാൽ നിമിഷനേരം കൊണ്ട് തീ ആളിപ്പടരുകയായിരുന്നു. തീ ഉയരത്തിലേക്ക് പടരുന്നത് പ്രദേശവാസികളിൽ പരിഭ്രാന്തി പരത്തിയിട്ടുണ്ട്.

തീപിടുത്തത്തിന്റെ കാരണം വ്യക്തമല്ല. സമീപവാസികൾ വിവരമറിയിച്ചതിനെ തുടർന്ന് ഫയർഫോഴ്സ് സ്ഥലത്തെത്തിയിട്ടുണ്ട്.