പുതിയ ഡ്രൈവിങ് ടെസ്റ്റ് പരിഷ്കരണത്തില് സംസ്ഥാനത്തെ ഡ്രൈവിങ് ടെസ്റ്റ് തടസപ്പെട്ടു. ഡ്രൈവിങ് സ്കൂളുകള് ടെസ്റ്റ് ബഹിഷ്കരിച്ചു
ടെസ്റ്റ് ഗ്രൗണ്ട് പ്രതിഷേധക്കാര് അടച്ചുകെട്ടി. ടെസ്റ്റിനുള്ള വാഹനങ്ങളും വിട്ട് നല്കില്ല.സൗകര്യങ്ങള് ഒരുക്കാതെയുള്ള പരിഷ്ക്കരണം അപ്രായോഗികമെന്ന് ഡ്രൈവിങ് സ്കൂളുകളുടെ നിലപാട്.സംസ്ഥാനത്ത് ഡ്രൈവിങ് ടെസ്റ്റ് പരിഷ്കരണം ഇന്ന് മുതല് നടത്തുമെന്നായിരുന്നു പ്രഖ്യാപനം. എന്നാല് എവിടെയും ഇന്ന് ടെസ്റ്റുകള് നടന്നിട്ടില്ല.എല്ലായിടത്തും ഡ്രൈവിങ് ടെസ്റ്റിനെതിരെ സിഐടിയു പ്രതിഷേധം നടത്തുകയാണ്. അടിമുടി മാറ്റം വരുത്തിയുള്ള പരിഷ്കാരങ്ങള് ഇന്നുമുതലാണ് പ്രാബല്യത്തില് വരുന്നത്. ടെസ്റ്റിനായി പുതിയ ട്രാക്കുകള് സജ്ജമായില്ലെങ്കിലും മാറ്റങ്ങളോടെയാകും ടെസ്റ്റ് നടത്തുക. വിഷയത്തില് പ്രതിഷേധിച്ച് വിവിധ സംഘടനകള് പ്രഖ്യാപിച്ച അനിശ്ചിതകാല സമരം ഇന്നാരംഭിക്കും.
വലിയ പ്രതിഷേധത്തിനിടെയാണ് പുതിയ പരിഷ്കരണം നടപ്പാക്കുന്നത്. പ്രതിദിനം 30 ലൈസന്സ് പരീക്ഷകള്, എച്ച് പരീക്ഷക്ക് പകരം പുതിയ ട്രാക്കുണ്ടാക്കി പുതിയ ടെസ്റ്റ്, 15 വര്ഷം കഴിഞ്ഞ വാഹനങ്ങള് ടെസ്റ്റിന് ഉപയോഗിക്കാന് പാടില്ല എന്നിങ്ങനെ വലിയ പരിഷ്കാരത്തിനായിരുന്നു ഗതാഗതമന്ത്രിയുടെ നിര്ദ്ദേശം.
No comments
Post a Comment