യുവതിയുടെ ബോധം പോയപ്പോള്‍ വഴിയില്‍ ഉപേക്ഷിച്ചു; രക്ഷപ്പെടുത്തിയ നാട്ടുകാരോട് പ്രതിയെക്കുറിച്ച്‌ സൂചന നല്‍കി യുവതി; കഴുത്തില്‍ തോര്‍ത്ത്മുണ്ട് മുറുക്കി കൊല്ലാന്‍ ശ്രമിച്ച സംഭവത്തില്‍ പ്രതി പിടിയിലായത് ഇങ്ങനെ
കൊടുമണ്‍:
പ്ലാന്റേഷനിലെ ജോലിക്കാരിയായ യുവതിയെ തോര്‍ത്ത് കഴുത്തില്‍ മുറുക്കി കൊലപ്പെടുത്താന്‍ ശ്രമം. ഏഴംകുളം സ്വദേശിനിക്കുനേരേയാണ് ആക്രമണം നടന്നത്. സംഭവത്തില്‍ കൈതപറമ്ബ് തരുവിനാല്‍ പുത്തന്‍വീട്ടില്‍ ലാലു രാജന്‍ (40) പിടിയിലായി.
പൊലീസ് പറയുന്നതിങ്ങനെ; യുവതിയും ലാലുവും പരിചയക്കാരാണ്. ബുധനാഴ്ച രാവിലെ യുവതി ജോലിക്ക് പോകുമ്ബോള്‍ ലാലു ബൈക്കില്‍ കയറ്റിക്കൊണ്ടുപോയി. ആളൊഴിഞ്ഞ സ്ഥലത്തെത്തിച്ച്‌ കഴുത്തില്‍ തോര്‍ത്ത് മുറുക്കി കൊല്ലാന്‍ ശ്രമിച്ചു. യുവതി അബോധാവസ്ഥയിലായതോടെ മരിച്ചെന്ന് കരുതി ഉപേക്ഷിച്ചുപോയി.ബോധംവീണ ഇവര്‍, നാട്ടുകാരോട് വിവരം പറയുകയായിരുന്നു. പിന്നീട് കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സ തേടി.
സംഭവസ്ഥലത്തുനിന്നു രക്ഷപ്പെട്ട ലാലുവിനെ അടൂര്‍ ഡിവൈ.എസ്‌പി. വിനോദിന്റെ നിര്‍ദേശപ്രകാരം കൊടുമണ്‍ സിഐ. വിജയകുമാര്‍, എസ്‌ഐ.സജി, സിവില്‍ പൊലീസ് ഓഫീസര്‍മാരായ അല്‍സം, വിനീത്, അഭിജിത്, അജിത് എന്നിവരുടെ നേതൃത്വത്തിലാണ് പിടികൂടിയത്.
About Ammus
No comments
Post a Comment