ബസ് നിരക്കു വര്ധന ഇന്നു മുതല്
കോവിഡ് കാല ബസ് നിരക്കു വര്ധന ഇന്നു മുതല് നിലവില്. ഇതുസംബന്ധിച്ച വിജ്ഞാപനം പുറത്തിറങ്ങി. എട്ട് രൂപ മിനിമം നിരക്കിനുള്ള യാത്ര അഞ്ച് കിലോമീറ്ററില് നിന്ന് രണ്ടര കിലോമീറ്ററായി കുറയും. അഞ്ച് കിലോമീറ്റര് യാത്രയ്ക്ക് എട്ട് രൂപയ്ക്കു പകരം ഇനി 10 രൂപ നല്കണം.
കെഎസ്ആര്ടിസി ഓര്ഡിനറി സര്വീസിനും ഇതേ നിരക്കാണെങ്കിലും സിറ്റി ഫാസ്റ്റ്, ഫാസ്റ്റ്, സൂപ്പര് ഫാസ്റ്റ് തുടങ്ങിയ സൂപ്പര് ക്ലാസ് ബസുകള്ക്കു മിനിമം നിരക്കിലും കിലോമീറ്റര് ചാര്ജിലും 25 ശതമാനം വര്ധനയുണ്ട്. വിദ്യാര്ഥികളുടെ കണ്സഷന് നിരക്കില് മാറ്റമില്ല.
രണ്ടര കിലോമീറ്ററിന് കഴിഞ്ഞുള്ള ഓരോ സ്റ്റേജിലെയും നിരക്ക് ഇങ്ങനെയാണ്.
അഞ്ചു കിലോമീറ്റര് സഞ്ചരിക്കുന്നതിന് പുതിയ നിരക്ക് പത്തുരൂപയാണ്. ഏഴര കിലോമീറ്റര് വരെ പതിമൂന്ന് രൂപയാണ് നിരക്ക്. പത്തുകിലോമീറ്ററിന് നിരക്ക് പതിനഞ്ചു രൂപയാണ്. പത്രണ്ടര കിലോമീറ്ററിന് നിരക്ക് പതിനേഴ് രൂപയും. പതിനഞ്ച് കിലോമീറ്ററിന് നിരക്ക് പത്തൊന്പതു രൂപയാണ്.
About Ammus
ليست هناك تعليقات
إرسال تعليق