നിർത്തിയിട്ട ബസുകളിലെ ബാറ്ററികൾ മോഷണം പോയി

അരയാക്കൂൽ തോട്ടുമ്മലിലെ കുനിയിൽ മനോഹരൻ്റെ ഉടമസ്ഥതയിലുള്ള KL 58 N 3278 നമ്പർ അക്ഷയ് ബസ്, കുറിച്ചിക്കരയിലെ സൗപർണികയിൽ പ്രദീപൻ്റെ KL 60 C 550 നമ്പർ ശ്രീ മൂകാംബിക ബസിൻ്റെയും ബാറ്ററികളാണ് മോഷണം പോയത്. താഴെ ചമ്പാട് സ്വകാര്യ വ്യക്തിയുടെ പറമ്പിലാണ് ബസുകൾ 2 മാസത്തോളമായി നിർത്തിയിട്ടിരുന്നത്. ചൊവ്വാഴ്ചയാണ് മോഷണം നടന്നത്. ബസുകളുടെ സർവീസ് അടുത്ത ദിവസങ്ങളിൽ ആരംഭിക്കാനിരിക്കെ ട്രയൽ നോക്കാൻ എത്തിയ ജീവനക്കാരാണ് മോഷണവിവരമറിയുന്നത്.പാനൂർ പൊലീസിൽ വിവരമറിയിച്ചതിനെ തുടർന്ന് എസ്.ഐ ഗണേശൻ സ്ഥലത്തെത്തി അന്വേഷണം നടത്തി. 23,000 രൂപ യുടെ നഷ്ടം കണക്കാക്കുന്നു