പ്രാർത്ഥന വിഫലം; ദേവനന്ദയുടെ മൃതദേഹം കണ്ടെത്തി

വീട്ടുമുറ്റത്ത് നിന്ന് കാണാതായ ഏഴു വയസ്സുകാരി ദേവനന്ദയുടെ മൃതദേഹം സമീപത്തെ പുഴയിൽ നിന്ന് കണ്ടെത്തി. വീട്ടിൽ നിന്ന് 70 മീറ്റർ മാത്രം അകലെയുള്ള പള്ളിമൺ ആറിലാണ് മൃതദേഹം കണ്ടെത്തിയത്. അതേസമയം മൃതദേഹം സംബന്ധിച്ച വിദഗ്ധ പരിശോധന തുടരുകയാണ്. മുങ്ങൽ വിദഗ്ധരാണ് ആറ്റിൽ മൃതദേഹം കണ്ടെത്തിയത്. കാണാതായപ്പോൾ ദേവനന്ദ ധരിച്ച നീല വസ്ത്രം തന്നെയാണ് മൃതദേഹത്തിലുള്ളതെന്ന് പൊലീസ് സ്ഥീരികരിച്ചു.