നിർത്തിയിട്ട ലോറിക്ക് പിന്നിൽ ഓട്ടോയിടിച്ച് ഓട്ടോ ഡ്രൈവർക്ക് ഗുരുതരമായി പരിക്കേറ്റു.

അഞ്ചരക്കണ്ടി+
 നിർത്തിയിട്ട ലോറിക്ക് പിന്നിൽ ഓട്ടോയിടിച്ച് ഓട്ടോ ഡ്രൈവർക്ക് ഗുരുതരമായി പരിക്കേറ്റു. ഓട്ടോ ഡ്രൈവറായ വണ്ണാന്റ മെട്ടയിലെ സുരേന്ദ്രനാണ് (5O) പരിക്കേറ്റത്.തലക്കും കാലിനും ഗുരുതരമായി പരിക്കേറ്റ ഇയാളെ
ചാല മിംസ് ആശുപത്രിയിൽ പ്രവേശിപ്പിച്ചു.
ചൊവ്വാഴ്ച രാത്രി എട്ടിനാണ് അപകടം.
അഞ്ചരക്കണ്ടി- തലശേരി റോഡിൽ ചാമ്പാട് ഓയിൽ മില്ലിന് സമീപത്ത് സാധനങ്ങൾ കയറ്റാൻ ലോറി നിർത്തിയിട്ടിരുന്നു. പിൻഭാഗത്തെ സിഗ്നൽ ലൈറ്റ് മറഞ്ഞിരുന്നതിനാൽ ലോറി നിർത്തിയിട്ടത് പെട്ടെന്ന് ശ്രദ്ധയിൽപ്പെടാത്തതാണ് അപകടകാരണമെന്ന് പരിസരവാസികൾ പറഞ്ഞു. 
കൂത്തുപറമ്പ് പൊലീസ് സ്ഥലത്തെത്തി ലോറിയും ലോറി ഡ്രൈവറെയും കസ്റ്റഡിയിലെടുത്തു.