പ്രതിസന്ധികൾ ഒന്നുമില്ല, എല്ലാം കൃത്യം, കോവിഡ് രോഗികളെ ചികിത്സിക്കാൻ സര്‍ക്കാര്‍ ആശുപത്രികള്‍ സജ്ജം: വീണ ജോർജ്

തിരുവനന്തപുരം: കോവിഡ് 19 ചികിത്സയുമായി ബന്ധപ്പെട്ട് സംസ്ഥാനത്തെ മെഡിക്കല്‍ കോളജുകളില്‍ ഒരുതരത്തിലുള്ള പ്രതിസന്ധിയുമില്ലെന്ന് വ്യക്തമാക്കി മന്ത്രി വീണാ ജോര്‍ജ്ജ്. മെഡിക്കല്‍ കോളജുകളില്‍ ഐസിയു ബെഡ്ഡുകളുടേയോ, ഓക്‌സിജന്റെയോ കുറവില്ലെന്നും മന്ത്രി മാധ്യമങ്ങളോട് പറഞ്ഞു.

‘ആശുപത്രി ജീവനക്കാരുടെ ക്ഷാമം പരിഹരിക്കാന്‍ ശ്രമം നടക്കുന്നുണ്ട്. ആര്‍ക്കും ചികിത്സ നിഷേധിക്കപ്പെടുന്ന സാഹചര്യമില്ല. കൊവിഡ് രോഗികളെ ചികിത്സിക്കാന്‍ സര്‍ക്കാര്‍ ആശുപത്രികള്‍ സജ്ജമാണ്. ആശങ്കപ്പെടേണ്ട സാഹചര്യമില്ല’- മന്ത്രി അറിയിച്ചു.

‘മെഡിക്കല്‍ കോളജുകളില്‍ പ്രതിസന്ധിയെന്ന പ്രചാരണം വാസ്തവിരുദ്ധമാണ്. അത്തരത്തിലുള്ള പ്രചരണങ്ങളിൽ വീഴരുത്. സുരക്ഷിതരായിരിക്കാൻ ശ്രമിക്കുക. അനാവശ്യ യാത്രകൾ ചെയ്യാതിരിക്കുക, എല്ലാം ശരിയാകും’-വീണ ജോർജ്ജ് വ്യക്തമാക്കി.