ആലക്കോട് കുട്ടാപറമ്പിൽ മതിൽ കെട്ടുന്നതിനിടെ മണ്ണിടിഞ്ഞ് വീണ് മത്സ്യ വ്യാപാരി മരിച്ചു

ആലക്കോട്: 

കുട്ടാപറമ്പിൽ മതിൽ കെട്ടുന്നതിനിടെ മണ്ണിടിഞ്ഞ് വീണ് ഒരാൾ മരിച്ചു. ആലക്കോട് ന്യൂ ബസാറിൽ മത്സ്യ കച്ചവടം നടത്തുന്ന കുന്നുമ്മൽ അസീസ് (52) ആണ് മരിച്ചത്.

ഇന്ന് വൈകുന്നേരം 3 മണിയോടെയായിരുന്നു അപകടം. വീടിനോട് ചേർന്ന് മതിൽ കെട്ടുന്ന തൊഴിലാളികൾക്കൊപ്പം മണ്ണ് എടുക്കുന്നതിനിടെ മുകൾ ഭാഗം ഇടിഞ്ഞ് വീഴുകയായിരുന്നു. മണ്ണിനടിയിൽ കുടുങ്ങി പോയ അസീസിനെ മറ്റ് തൊഴിലാളികൾ ചേർന്നാണ് പുറത്തെടുത്തത്. തുടർന്ന് കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല.