ഓട്ടോറിക്ഷയും ബൈക്കും കൂട്ടിയിടിച്ച് വിദ്യാർഥിക്ക് പരിക്ക്

ചക്കരക്കല്ല്: പാനേരിച്ചാല്‍ ബാവോട് റോഡില്‍ ഓട്ടോറിക്ഷയും ബൈക്കും കൂട്ടിയിടിച്ചു. കണയന്നൂര്‍ മുട്ടിലിച്ചിറ പുത്തലത്ത് ഹൗസ് വി.കെ. അനസിനാണ് (16) പരിക്കേറ്റത്. അനസിനെ കണ്ണൂര്‍ ചാലയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച രാത്രി 10.30 നാണ് അപകടം. എതിരെനിന്ന്​ വന്ന ഓട്ടോ ബൈക്കില്‍ ഇടിക്കുകയായിരുന്നു. ഇടിയില്‍ റോഡിലേക്ക് തെറിച്ചുവീണാണ് അനസിന് പരിക്കേറ്റത്.