കോവിഡ് ബാധിച്ച മാഹി സ്വദേശിയുടെ റൂട്ട് മാപ്പ് പുറത്ത് വിട്ടു. കണ്ണൂരിലടക്കം സമ്പർക്കം

കോവിഡ് ബാധിച്ച മാഹി സ്വദേശി കണ്ണൂരിൽ ജോലി ചെയ്യുന്നയാളാണ്. പനി വന്നതിനെ തുടർന്നാണ് ആശുപത്രിയിൽ പ്രവേശിപ്പിച്ചത്. ഇയാളുടെ സമ്പർക്കപ്പട്ടിക അധികാരികൾ പുറത്തുവിട്ടു. 15,16,19,20 തീയതികളിൽ ജോലി ചെയ്യുന്ന കണ്ണൂർ ഗ്ലോബൽ ഇംപെക്സിൽ രാവിലെ 9 മുതൽ 8 വരെയും 18 ന് രാവിലെ 10 മുതൽ 11.30 വരെ ന്യൂമാഹി ഫിഷ് മാർക്കറ്റിലും, 22 ന് കോഴിക്കോട് ബീച്ച് റോഡിൽ ബിസിനസ് മീറ്റിലും, 23 ന് മുണ്ടോ ക്കിൽ നടന്ന സംസ്ക്കാര ചടങ്ങിലും, 30 ന് പുന്നോൽ സർവീസ് സഹകരണ ബാങ്കിലും, തുടർന്ന് മാഹിയിൽ യൂനിയൻ ബാങ്കിലും, 2 ന് രക്തം ടെസ്റ്റ് ചെയ്യുന്നതിനായി മാഹിയിലെ മെഡികോ ലാബിലും ഇയാൾ എത്തിയിട്ടുണ്ട്. തുടർന്ന് 5 ന്

ഇദ്ദേഹത്തെ മാഹി ഗവൺമെൻ്റ് ആശുപത്രിയിൽ പ്രവേശിപ്പിച്ചു

അതിനിടെ മുമ്പ് കോവിഡ് സ്ഥിരീകരിച്ചവരുടെ സമ്പർക്കപ്പട്ടികയിൽപ്പെട്ട 45 പേരുടെ പരിശോധനാ ഫലം പുറത്തു വന്നു.

ആരോഗ്യ പ്രവർത്തകരുടെയും പോലീസുകാരുടെയും പരിശോധനാ ഫലങ്ങളാണ് വന്നത്.ഇവയെല്ലാം നെഗറ്റീവായത് മാഹിക്കാശ്വാസമായി. ബാക്കിയുള്ളവരുടെ ഫലം വരും ദിവങ്ങളിൽ ലഭിക്കും.