+2 ക്ലാസ് പരീക്ഷകള്‍ നടത്തുന്നത് പ്രായോഗികമല്ലെന്ന് സിബിഎസ്‌ഇ

പന്ത്രണ്ടാം ക്ലാസ് പരീക്ഷ നടത്തുക പ്രായോഗികമല്ലെന്ന് സിബിഎസ്‌ഇ. കോവിഡ് വ്യാപന പശ്ചാത്തലത്തില്‍ പല സംസ്ഥാനങ്ങളിലും പരീക്ഷ നടത്താനാകുന്ന സാഹചര്യമില്ലെന്ന് സിബിഎസ്‌ഇ കേന്ദ്ര സര്‍ക്കാരിനെ അറിയിച്ചു. കേന്ദ്ര മാനവശേഷി വികസന മന്ത്രാലയത്തിന്റെ അനുമതി കിട്ടിയ ശേഷം നിലപാട് കോടതിയെ അറിയിക്കും. പരീക്ഷ റദ്ദാക്കണമെന്ന ഹര്‍ജി നാളെ സുപ്രീംകോടതി വീണ്ടും പരിഗണിക്കുന്നുണ്ട്.

പരീക്ഷ റദ്ദാക്കുമ്ബോള്‍ ഇതുവരെയുള്ള പരീക്ഷയുടെ ശരാശരി മാര്‍ക്ക് അവസാന മാര്‍ക്കിന് കണക്കാക്കുകയെന്നതുള്‍പ്പടെയുള്ള നിര്‍ദ്ദേശങ്ങളാണ് സിബിഎസ്‌ഇ പരിഗണിക്കുന്നതെന്നാണ് സൂചന. പരീക്ഷ ഉപേക്ഷിച്ച്‌ ഇന്‍റേണല്‍ മാര്‍ക്കിന്‍റെ അടിസ്ഥാനത്തില്‍ ഫലം പ്രഖ്യാപിക്കണമെന്ന ഹര്‍ജി സുപ്രീം കോടതിയുടെ പരിഗണനയിലാണ്.