മലപ്പുറത്ത് 6280 പേർ നിരീക്ഷണത്തിൽ

കൊവിഡ് 19 പശ്ചാത്തലത്തിൽ മലപ്പുറം ജില്ലയില്‍ 6,280 പേര്‍ നിരീക്ഷണത്തില്‍. 6,266 പേര്‍ വീടുകളില്‍ സ്വയം നിരീക്ഷണത്തിലും 7 പേര്‍ കൊവിഡ് കെയര്‍ സെന്ററിലുമാണ്. ഇന്നു മുതല്‍ 1,527 പേര്‍ക്കാണ് നിരീക്ഷണം ഏര്‍പ്പെടുത്തിയത്. ജില്ലയില്‍ വൈറസ് ബാധ സ്ഥിരീകരിച്ച രണ്ടു പേരുടെയും ആരോഗ്യനില തൃപ്തികരമാണെന്ന് ആരോഗ്യവകുപ്പ് അറിയിച്ചു. പരിശോധനയ്ക്കയച്ച 304 സാമ്പിളുകളില്‍ 280 പേര്‍ക്കും വൈറസ് ബാധയില്ലെന്ന് കണ്ടെത്തി.