പെരിങ്ങോം കുപ്പോളിൽ ടിപ്പറും ബൈക്കും കൂട്ടിയിടിച്ച് ബൈക്ക് യാത്രക്കാരനായ യുവാവ് അന്തരിച്ചു

പെരിങ്ങോം:
പെരിങ്ങോം കുപ്പോളിൽ ടിപ്പറും ബൈക്കും കൂട്ടിയിടിച്ച് ബൈക്ക് യാത്രക്കാരനായ യുവാവ് അന്തരിച്ചു. കക്കറ പുറവട്ടത്തെ ഇ വി സൂരജാ (20) ണ് അന്തരിച്ചത്. കൂടെ യാത്ര ചെയ്ത പിതൃ സഹോദരൻ പുറവട്ടത്തെ കുണ്ടയംകോടൻ വിപിൻ (22) ഗുരുതര പരിക്കുകളോടെ കണ്ണൂർ ഗവ. മെഡിക്കൽ കോളേജാശുപത്രിയിൽ പ്രവേശിപ്പിച്ചു. തിങ്കളാഴ്ച വൈകുന്നേരം 3:30ഓടെയാണ് അപകടം.   മടക്കാപൊയിൽ ഭാഗത്തേക്ക് പോകുന്ന ടിപ്പറുമായി കടാംകുന്ന് ഭാഗത്ത് നിന്ന് വന്ന ബൈക്ക് കുപ്പോൾ ജംഗ്ഷനിൽ വെച്ച് ഇടിക്കുകയായിരുന്നു. ഇടിയുടെ ആഘാതത്തിൽ ബൈക്ക് പൂർണമായും തകർന്നു. പരിക്കേറ്റ ഉടനേ   ഇരുവരെയും പരിയാരം മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും  സൂരജ് ആശുപത്രിയിൽ എത്തിച്ച ശേഷം മരിച്ചു.ചേപ്പാത്തോട്ടിലെ അലുമിനിയം ഫാബ്രിക്കേഷൻ ഷോപ്പിലെ തൊഴിലാളിയാണ് സൂരജ്. അച്ഛൻ: കുണ്ടയംകോടൻ രാജു.അമ്മ: ഇ വി സുജാത (രാജഗിരി). മൃതദേഹം കണ്ണൂർ ഗവ. മെഡിക്കൽ കോളേജ് ആശുപത്രിയിൽ.