കണ്ണൂർ-ദുബായ് പ്രതിദിന വിമാന സർവീസ് ഈ മാസം 25 മുതൽ; ടിക്കറ്റ് ബുക്കിംഗ് ആരംഭിച്ചു

കണ്ണൂർ:
കണ്ണൂർ വിമാനത്താവളത്തിൽ നിന്നും ദുബായ് വിമാന സർവീസ് തുടങ്ങുന്നു.ഇൗ മാസം 25 നാണ് ഗോ എയറിന്റെ ആദ്യ സർവ്വീസ്. പ്രതിദിനം പോയി തിരിച്ചെത്തുന്ന രീതിയിലാണ് സർവ്വീസ്. രാത്രി 7:30 ന് ആരംഭിച്ച് പുലർച്ചെ 5:55 ന് തിരിച്ചെത്തും വിധമാണ് ക്രമീകരണം. നാല് മണിക്കൂർ ഇരുപത് മിനുട്ട് ആണ് യാത്രാ സമയം. 6349 രൂപയാണ് കുറഞ്ഞ ടിക്കറ്റ് നിരക്ക്. ഗോ എയറാണ് കണ്ണൂർ നിന്നും ദുബായ് സർവ്വീസ് ആദ്യമായി തുടങ്ങുന്നത്. വൈകാതെ കുവൈത്ത് സർവീസും ആരംഭിക്കുന്നു.