എറണാകുളം നോർത്ത് റെയിൽവേ സ്റ്റേഷനിൽ പെൺകുട്ടിയെ കയറിപ്പിടിച്ച കേസിലെ പ്രതി പിടിയിൽ

എറണാകുളം: എറണാകുളം നോർത്ത് റെയിൽവേ സ്റ്റേഷനിൽ വെച്ച് യുവതിയെ കയറിപ്പിടിച്ച കേസിൽ പ്രതിയെ റെയിൽവേ പൊലീസ് അറസ്റ്റ് ചെയ്തു. തിരുവനന്തപുരം കീഴാരൂർ സ്വദേശിയായ സജീവാണ് അറസ്റ്റിലായത്.

കഴിഞ്ഞ ശനിയാഴ്ച വൈകിട്ട് 3:00 മണിയോടെയാണ് സംഭവം നടന്നത്. ദുരനുഭവം നേരിട്ടതിന് പിന്നാലെ പെൺകുട്ടി സമൂഹമാധ്യമത്തിലൂടെ ശക്തമായി പ്രതികരിക്കുകയും, കുറ്റകൃത്യത്തിന്റെ വീഡിയോ ദൃശ്യങ്ങൾ ഉൾപ്പെടെ പങ്കുവെക്കുകയും ചെയ്തിരുന്നു. സമൂഹമാധ്യമങ്ങളിൽ ഇത് വലിയ ചർച്ചയായതിനെ തുടർന്ന് പൊലീസ് നടപടി വേഗത്തിലാക്കുകയായിരുന്നു.

റെയിൽവേ പൊലീസാണ് പ്രതിയെ പിടികൂടി നിയമനടപടികൾ ആരംഭിച്ചത്.