മമ്പറം ഇന്ദിരാഗാന്ധി കോളേജിൽ മെഗാ ജോബ് ഫെയർ 12-ന്

കണ്ണൂർ : മമ്പറം ഇന്ദിരാഗാന്ധി കോളേജും ഉളിക്കൽ കോളേജ് ഓഫ് ബിസിനസ് സ്റ്റഡീസും ചേർന്ന് സംഘടിപ്പിക്കുന്ന മെഗാ ജോബ് ഫെയർ ‘ദിശ 2022’ 12-ന് മമ്പറം ഇന്ദിരാഗാന്ധി കോളേജിൽ നടക്കും. സിനിമാതാരം ജോജോ ജോസ് ഉദ്ഘാടനം ചെയ്യും. കൊച്ചി ഇൻഫോപാർക്ക്, കോഴിക്കോട് സൈബർ പാർക്ക് തുടങ്ങി 25-ലധികം കമ്പനികൾ പങ്കെടുക്കും. രണ്ടായിരത്തോളം ഒഴിവുകളുള്ള മേളയിൽ പ്ലസ് ടു, ഡിഗ്രി, ഡിപ്ലോമ, ബി.ടെക്. പി.ജി. യോഗ്യതകളുള്ളവർക്ക് രജിസ്റ്റർചെയ്ത് പങ്കെടുക്കാം. രജിസ്ട്രേഷൻ 12-ന് രാവിലെ എട്ടിന് തുടങ്ങും. പത്രസമ്മേളനത്തിൽ കോളേജ് ചെയർമാനും മാനേജിങ് ഡയറക്ടറുമായ പ്രദോഷ് അലോക്കൻ, ഭാഷാവിഭാഗം തലവൻ രാമചന്ദ്രൻ തോട്ടത്തിൽ, മാനേജ്മെന്റ് ഹെഡ് ശരണ്യ, അധ്യാപികമാരായ സജ്ന, പ്രജുഷ എന്നിവർ പങ്കെടുത്തു.