കാറിനു മുകളിൽ തെങ്ങ് വീണു : ദമ്പതികൾ രക്ഷപ്പെട്ടത് മിനിറ്റുകളുടെ വ്യത്യാസത്തിൽ
വൈക്കം: കാറിനു മുകളിൽ തെങ്ങ് വീണു. മരങ്ങാട്ടുപിള്ളി സ്വദേശി പ്രദീപ് നമ്പൂതിരിയും ഭാര്യ ദീപ്തിയും മിനിറ്റുകളുടെ വ്യത്യാസത്തിലാണ് വൻ അപകടത്തിൽ നിന്ന് രക്ഷപ്പെട്ടത്. കാറിൽ നിന്ന് ദമ്പതികൾ ഇറങ്ങിപ്പോയി മിനിറ്റുകൾക്കകം ആണ് അപകടം സംഭവിച്ചത്.
ഇന്നലെ വൈകുന്നേരം 5.30-നു ആണ് സംഭവം. വൈക്കം മഹാദേവ ക്ഷേത്രത്തിനു സമീപത്തെ എൻഎസ്എസ് യൂണിയൻ ഓഫീസിനോടു ചേർന്ന ഗ്രൗണ്ടിൽ പാർക്ക് ചെയ്ത കാറിനു മീതെയാണ് തെങ്ങു വീണത്. അപകടത്തിൽ ഡ്രൈവർ സീറ്റ് ഉൾപ്പെടെ കാറിന്‍റെ മുകൾഭാഗം പൂർണമായി തകർന്നു.
കാറിനു മുകളിലേക്ക് ഗ്രൗണ്ടിന് സൈഡിൽ നിന്നിരുന്ന തെങ്ങ് ചുവടെ ഇളകി പതിക്കുകയായിരുന്നു. ദീപ്തിയുടെ അച്ഛൻ പുതുശേരി ഇല്ലം സുദർശനന്‍റെ കാറും തകർന്ന കാറിന്‍റെ സമീപത്തായിരുന്നു പാർക്ക് ചെയ്തിരുന്നത്. ഇതിന് തകരാറൊന്നും സംഭവിച്ചില്ല.
About Soorya
ليست هناك تعليقات
إرسال تعليق