സെൽഫിയെടുക്കുന്നതിനിടെ ഒഴുക്കിൽപ്പെട്ട് കാണാതായ പെൺകുട്ടിയുടെ മൃതദേഹം കണ്ടെത്തി
കൊല്ലം: മൊബൈലിൽ സെൽഫിയെടുക്കുന്നതിനിടെ കല്ലടയാറ്റിൽ ഒഴുക്കിൽപ്പെട്ട് കാണാതായ പെൺകുട്ടിയുടെ മൃതദേഹം കണ്ടെത്തി. കൂടല് സ്വദേശിനി അപര്ണയുടെ മൃതദേഹം ആണ് കണ്ടെത്തിയത്.
അപകടം നടന്ന സ്ഥലത്ത് നിന്നും രണ്ട് കിലോമീറ്റർ ദൂരെ നിന്നാണ് അപർണയുടെ മൃതദേഹം കണ്ടെത്തിയത്. പത്തനാപുരം മൗണ്ട് താബോർ സ്കൂളിലെ സഹപാഠിയായ അനുഗ്രഹയുടെ വീട്ടിൽ സന്ദർശനത്തിനെത്തിയതായിരുന്നു അപര്ണ. ഉച്ചയോടെ ഇരുവരും അനുഗ്രഹയുടെ സഹോദരന് അഭിനവിനൊപ്പം കല്ലടയാറിലെ വെള്ളാറമൺ കടവിലേക്ക് പോയി.
വെള്ളത്തിലിറങ്ങി ഫോട്ടോ എടുക്കുന്നതിനിടെ പെൺകുട്ടികള് ഇരുവരും ഒഴുക്കില്പ്പെട്ടു. തുടർന്ന്, രക്ഷിക്കാനിറങ്ങിയ അഭിനവും ഒഴുക്കില്പ്പെട്ടു. അനുഗ്രഹയും അഭിനവും രക്ഷപ്പെട്ടെങ്കിലും അപർണയെ രക്ഷിക്കാനായില്ല. ഒഴുക്കിൽപ്പെട്ട് പരിക്കേറ്റ അനുഗ്രഹ ഇപ്പോള് തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലാണ്.
അപർണയുടെ മൃതദേഹം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി.
ليست هناك تعليقات
إرسال تعليق