കൊറോണ സ്ഥിരീകരിച്ച ബ്രിട്ടീഷുകാരൻ ഉത്സവത്തിൽ പങ്കെടുത്ത വീഡിയോ പുറത്ത്; മേളത്തിനൊപ്പം തുള്ളുന്നതിനിടെ കൂടെ നിന്നവരെ കെട്ടിപ്പിടിത്തവും ഉമ്മവയ്ക്കലും, സമ്പർക്കം പുലർത്തിയവർ അധികൃതരെ ബന്ധപ്പെടാൻ നിർദേശം

തൃ​ശൂ​ർ: 
കോ​വി​ഡ് സ്ഥി​രീ​ക​രി​ച്ച ബ്രി​ട്ടീ​ഷ് പൗ​ര​ൻ തൃ​ശൂ​രി​ൽ കു​ട്ട​നെ​ല്ലൂ​ർ പൂ​ര​ത്തി​ൽ പങ്കെടുത്തതിന്റെ വീഡിയോ പുറത്ത്. കു​ട്ട​നെ​ല്ലൂ​രി​ൽ പെ​രു​വ​നം കു​ട്ട​ൻ​മാ​രാ​രു​ടെ പ്രാ​മാ​ണി​ക​ത്വ​ത്തി​ൽ മേ​ളം ന​ട​ക്കു​ന്പോ​ഴാ​ണ് ഇ​വ​ർ എ​ത്തി​യ​ത്. തുടർന്ന് നാട്ടുകാർക്കൊപ്പം സെൽഫിയുമെടുത്തു. 

വി​ദേ​ശി​ക​ളു​ടെ സം​ഘ​വു​മാ​യി നി​ര​വ​ധി പേ​ർ അ​ടു​ത്തി​ട​പ​ഴ​കി​യെ​ന്ന് വ്യ​ക്ത​മാ​ണ്. പ​ല​രും സെ​ൽ​ഫി ഫോ​ട്ടോ​ക​ളും ടി​ക് ടോ​ക്കു​മൊ​ക്കെ വാ​ട്സാ​പ്പി​ൽ പോ​സ്റ്റ് ചെ​യ്തി​രു​ന്നു. മേളത്തിനിടെ ആളുകളെ കെട്ടിപ്പിടിക്കുന്നതും മറ്റും വീഡിയോയിൽ വ്യക്തമാണ്.
അതേസമയം കു​ട്ട​നെ​ല്ലൂ​രി​ൽ എ​ത്തും മുൻപ് ഇ​യാ​ൾ പാ​റ​മേ​ക്കാ​വ് ക്ഷേ​ത്ര​ത്തി​ലും പോയിരുന്നു. ഗോ​പു​ര​ത്തി​ന് മു​ന്നി​ൽ ക്ഷേ​ത്രം കാ​വ​ൽ​ക്കാ​രു​മാ​യി സം​സാ​രി​ച്ച് തി​രി​ച്ചു​പോ​വു​ക​യാ​ണു​ണ്ടാ​യ​ത്. പതിനഞ്ച് മിനിറ്റോളം ഇവിടെ ചെലഴിച്ചതായാണ് സൂചന.
ന​ഗ​ര​ത്തി​ൽ വേ​റെ എ​വി​ടെ​യൊ​ക്കെ​യാ​ണ് പൂ​ര​മോ ഉ​ത്സ​വ​മോ ഉ​ള്ള​തെ​ന്ന് പാ​റ​മേ​ക്കാ​വി​ലെ സെ​ക്യൂ​രി​റ്റി​ക്കാ​രോ​ട് ചോ​ദി​ച്ചറിഞ്ഞ ശേഷമാണ് ഇവർ കു​ട്ട​നെ​ല്ലൂ​രി​ലേക്ക് പോയത്. തൃ​ശൂ​രി​ൽ അ​തി​ര​പ്പി​ള്ളി​യി​ലും ചെ​റു​തു​രു​ത്തി​യി​ലും ബ്രി​ട്ടീ​ഷ് പൗ​ര​നും സം​ഘ​വും സ​ന്ദ​ർ​ശ​നം ന​ട​ത്തി​യ​താ​യി ഇ​ന്ന​ലെ​ത്ത​ന്നെ സ്ഥി​രീ​ക​രി​ച്ചി​രു​ന്നു. ഈ ​വി​ദേ​ശി​ക​ളു​മാ​യി സ​മ്പർ​ക്കം പു​ല​ർ​ത്തി​യ​വ​രോ അ​വ​രു​മാ​യി അ​ടു​ത്തി​ട​പ​ഴ​കി​യ​വ​രോ ഉ​ണ്ടെ​ങ്കി​ൽ അ​ടി​യ​ന്തര​മാ​യി കോ​വി​ഡ് ക​ണ്‍​ട്രോ​ൾ റൂ​മി​ലെ ഫോ​ണ്‍ നമ്പറി​ൽ ബ​ന്ധ​പ്പെടാൻ അധികൃതർ നിർദേശം നൽകി.