പൗരത്വ ഭേദഗതി നിയമത്തിനെതിരെ സംസ്ഥാന സർക്കാർ സുപ്രീം കോടതിയിൽ

ന്യൂഡല്‍ഹി: പൗരത്വ ഭേദഗതി നിയമത്തിനെതിരെ സംസ്ഥാന സര്‍ക്കാര്‍ സുപ്രീകോടതിയെ സമീപിച്ചു. ഇതുമായി ബന്ധപ്പെട്ട്​ സര്‍ക്കാര്‍ കോടതിയില്‍ ഹരജി നല്‍കി.

നിയമം ഭരണഘടനാ വിരുദ്ധമാണെന്ന്​ പ്രഖ്യാപിക്കണമെന്നാണ്​ സംസ്ഥാന സര്‍ക്കാറിന്റെ ആവശ്യം. ഭരണഘടനയുടെ അനുഛേദം 131 പ്രകാരമാണ്​ സംസ്ഥാന സര്‍ക്കാറി​​ന്റെ ഹരജി. നിയമത്തിനെതിരെ ആദ്യമായാണ്​ ഒരു സംസ്ഥാനം കോടതിയെ സമീപിക്കുന്നത്​.

പൗരത്വ ഭേദഗതി നിയമത്തിനെതിരെ കേരള നിയമസഭ പ്രമേയം പാസാക്കുകയും ചെയ്​തിരുന്നു. ഇതിന്​ പിന്നാലെയാണ്​ സംസ്ഥാന സര്‍ക്കാര്‍ കോടതിയെ സമീപിച്ചിരിക്കുന്നത്