പഴയങ്ങാടി ചെങ്ങലില്‍ കുന്നിടിഞ്ഞു വീണത് വീടുകള്‍ക്ക് ഭീഷണിയായി

പഴയങ്ങാടി: 
ഏഴോം പഞ്ചായത്തിലെ ചെങ്ങലില്‍ കുന്നിടിഞ്ഞു വീണത് വീടുകള്‍ക്ക് ഭീഷണിയായി. ഇന്നലെ ഉച്ചയോടെയാണ് ചെങ്ങല്‍ കുണ്ടത്തിന്‍ കാവ് റോഡിന് സമീപം കുന്നിടിത്തത്. പി.വി അശോകന്‍, കെ ചന്ദ്രിക, കെ പ്രേമജ എന്നിവരുടെ വീടുകളുടെ മുകള്‍ ഭാഗത്തെ കുന്നാണ് ഇടിഞ്ഞത്. കുന്ന് ഇടിഞ്ഞ ശബ്ദം കേട്ട് വീട്ടിനുള്ളില്‍ ഉണ്ടായിരുന്നവര്‍ ഓടി രക്ഷപ്പെടുകയായിരുന്നു. കഴിഞ്ഞ വര്‍ഷവും കാലവര്‍ഷത്തില്‍ ഇവിടെ കുന്നിടിച്ചല്‍ ഉണ്ടായിരുന്നു. വീണ്ടും കുന്നിടിയാന്‍ സാധ്യതയുള്ളതിനാല്‍ വില്ലേജ് അധികൃതര്‍ എത്തി ഇവിടുത്തെ കുടുംബങ്ങളെ മാറ്റി പാര്‍പ്പിച്ചു..