വിദ്യാർത്ഥികൾ സഞ്ചരിച്ച ഓട്ടോയും കാറും കൂട്ടിയിടിച്ച് വിദ്യാർത്ഥികൾക്ക് പരിക്ക്

പയ്യന്നൂർ ദേശീയപാതയിൽ വെള്ളൂരിൽ വിദ്യാർത്ഥികൾ സഞ്ചരിച്ച ഓട്ടോയും കാറും കൂട്ടിയിടിച്ച് മൂന്നുപേർക്ക് പരിക്കേറ്റു. സ്കൂളിലേക്ക് കുട്ടികളുമായി പോവുകയായിരുന്ന ഓട്ടോയും കാറും ബൈക്കുമാണ് അപകടത്തിൽ പെട്ടത്.
അന്നൂർ യു. പി സ്കൂളിലെ ആറാം ക്ലാസ് വിദ്യാർത്ഥിനി ഏറ്റു കുടുക്ക സ്വാമിമുക്കിലെ സുരേഷിന്റെ മകൾ ദേവിക നാലാം ക്ലാസ് വിദ്യാർത്ഥിനി ഏറ്റു കുടുക്കയിലെ രമേശന്റെ മകൾ ശേയ, ബൈക്ക് യാത്രികൻ മാടായി മീത്തലെ വീട്ടിൽ സുധീന്ദ്രൻ എന്നിവർക്കാണ് പരിക്കേറ്റത്. ഓട്ടോറിക്ഷയുടെ ബ്രേക്ക് പോയി നിയന്ത്രണം വിട്ടതാണ് അപകടത്തിന് കാരണം പരിക്കേറ്റവരെ പയ്യന്നൂർ സഹകരണ ആശുപത്രിയിൽ പ്രവേശിപ്പിച്ചു.