കാറിലെത്തിയ സംഘം സ്കൂള് വിദ്യാര്ത്ഥിനിയെ തട്ടിക്കൊണ്ടുപോകാന് ശ്രമം
ഇരിട്ടി :
പായം വട്ട്യറ എരുമത്തടത്തില് കാറിലെത്തിയ സംഘം സ്കൂള് വിദ്യാര്ത്ഥിനിയെ തട്ടിക്കൊണ്ടുപോകാന് ശ്രമം. പിടിവലിക്കിടയില് പരിക്കേറ്റ വിദ്യാര്ത്ഥിനി ഇരിട്ടി താലൂക്ക് ആശുപത്രിയില് ചികിത്സതേടി.
ഇരിട്ടി ഹയര്സെക്കന്ഡറി സ്കൂള് എട്ടാം ക്ലാസ് വിദ്യാര്ത്ഥിനിയെയാണ് വാഗണര് കാറിലെത്തിയ രണ്ടംഗ സംഘം കാറില് കയറ്റിക്കൊണ്ടുപോകാന് ശ്രമിച്ചത്. ഇന്നലെ വൈകുന്നേരം 5 മണിയോടെ ആയിരുന്നു സംഭവം. സ്കൂള് വിട്ട് നാട്ടുകാരായ മറ്റു വിദ്യാര്ത്ഥികള്ക്കൊപ്പം എരുമത്തടത്തിലെ വീട്ടിലേക്ക് നടന്നുപോകവേ കാറിലെത്തിയ സംഘം കുട്ടികളുടെ മുന്നില് കാര് നിര്ത്തി ഇതിലേക്ക് ബലം പ്രയോഗിച്ച് വലിച്ചു കയറ്റുവാന് ശ്രമിക്കുകയായിരുന്നു . ഇതോടെ കൂടെ ഉണ്ടായിരുന്ന മറ്റു വിദ്യാര്ത്ഥികള് ബഹളം വച്ചതിനെ തുടര്ന്ന് സമീപ വാസികള് ഓടിയെത്തിയതോടെ സംഘം അതിവേഗം കാറുമായി കടന്നുകളയുകയായിരുന്നു. ഇതിനിടയില് കാറിലുണ്ടായിരുന്നവര് കുട്ടിയുടെ കഴുത്തിന് പിടിച്ച് വലിക്കുകയും മുഖത്തടിക്കുകയും ചെയ്തു. പിടിവലിയിലും മറ്റും കഴുത്തിന് പരിക്കേറ്റ് അവശയായ വിദ്യാര്ത്ഥിനി രക്ഷിതാക്കള്ക്കും നാട്ടുകാര്ക്കുമൊപ്പം ഇരിട്ടി താലൂക്ക് ആശുപത്രിയില് എത്തി ചികിത്സതേടി. നാട്ടുകാര് വിവരമറിയിച്ചതിനെത്തുടര്ന്ന് ഇരിട്ടി പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
About Ammus
ليست هناك تعليقات
إرسال تعليق