കർണാടക; വിശ്വാസവോട്ടിൽ അടിതെറ്റി, സർക്കാർ വീണു

*

ബംഗളൂരു: ദിവസങ്ങളോളം തുടർന്ന പ്രതിസന്ധികൾക്ക്​ വിരാമം. വിശ്വാസ വോട്ടിൽ അടി തെറ്റിയതോടെ കർണാടകയിൽ കോൺഗ്രസ്​-ജെ.ഡി.എസ്​ സഖ്യസർക്കാർ വീണു. നാല്​​ ദിവസമായി തുടർന്ന ചർച്ചകൾക്കൊടുവിൽ നടന്ന വി​ശ്വാസവോട്ടിൽ സർക്കാറിന്​ അതിജീവിക്കാനായില്ല. 99നെതിരെ 105 വോട്ടുകൾക്കാണ്​ സർക്കാർ പരാജ​യപ്പെട്ടത്​. വിശ്വാസ വോട്ടിനെ എതിർക്കുന്നവർ സഭയിൽ എഴു​ന്നേറ്റു നിൽക്കുകയും എണ്ണമെടുക്കുകയും ​െചയ്യുകയായിരുന്നു. പോരാട്ടം വിജയിച്ചി​ല്ലെന്നും എന്നാൽ ബി.ജെ.പിയെ തുറന്നുകാണിക്കാനായെന്നും കോൺഗ്രസ്​ അഭിപ്രായപ്പെട്ടു. മുഖ്യമന്ത്രി പദത്തിൽ നിന്ന്​ രാജി ​െവക്കാൻ തയാറാണെന്ന് വിശ്വാസ പ്രമേയത്തിലുള്ള മറുപടി പ്രസംഗത്തിൻെറ ആരംഭത്തിൽ മുഖ്യമന്ത്രി എച്ച്​.ഡി.കുമാരസ്വാമി പറഞ്ഞിരു​ന്നു.  നിലവിലെ രാഷ്​ട്രീയ സാഹചര്യം തൻെറ മനം മടുപ്പിക്കുന്നുവെന്നും സംസ്ഥാനത്തെ പ്രതിസന്ധിയിലേക്ക്​ തള്ളിവിട്ട വിമത എം.എൽ.എമാർക്ക്​ വേണ്ടി താൻ മാപ്പ്​ ചോദിക്കുന്നുവെന്നും അദ്ദേഹം വ്യക്തമാക്കി. കോൺഗ്രസ്​ -ജെ.ഡി.എസ്​ സഖ്യം തുടരാനാണ്​ തീരുമാനം.